قندوز امنیتی منبع‌لری نینگ ایتیش‌لریچه، طالبان گروهی بو ولایتده حربی کوچلرنینگ بیر قرارگاهی اوستیگه هجوم قیلگن.
قندوز ولایتیدن آتی فاش ایتیلیشی نی ایستمه‌گن ایشانچلی بیر منبع نینگ سلام‌وطندارگه ایتیشیچه، طالبان بوگون (سه‌شنبه ۳۰- جدی) ایرته‌لب ساعت ۱:۰۰ اطرافیده اهالی نینگ اویی نی آره‌سیدن قندوز شهری نینگ «باغ شرکت» منطقه‌سیده‌گی حربی کوچلرنینگ پایگاهی اوستیگه هجوم قیلیب و امنیتی کوچلر بیلن آتیشگن.
منبع گه کوره، آتیشمه ایرته ساعت ۴ گچه دوام تاپگن کیم نتیجه‌ده، حربی کوچلردن ۱۰ ته‌سی هلاک و باشقه ۶ ته‌سی ایسه یره‌لنگن.
منبع نینگ کوپه‌یتیریشیچه، طالبان مذکور حربیلرنینگ بیر قنچه حربی جهازلرینی اوزلری بیلن آلیب کیتگن.
بو توغریده قندوز محلی و ۲۱۷ پامیر قول اردو مسئوللری نینگ فکرینی اورگه‌نیش ایسته‌دیک، بیراق موفق بولمه‌دیک.
طالبان حاضرگچه بو حقده فکر بیلدیرمه‌گن.
ایتیش کیره‌ک کیم ۴ کون آلدین بو ولایت نینگ امام‌صاحب تومنیده طالبان هجومی باعث ۱۰ حربی هلاک و باشقه ۱۰ ته‌سی ایسه یره‌لنگن ایدی.