قندز ولایتیدن آتی فاش ایتیلیشی نی ایستمه‌گن بیر خوفسیزلیک منبع نینگ سلام‌وطندارگه ایتیشیچه، بوگون (یکشنبه، ۲۸- جدی) توشدن کیین طالبان نینگ ایکی اوچووچی‌سیز اوچاغی امام صاحب تومنیده‌گی حربی کوچلرنینگ بیر کندکی گه بمب تشله‌گن.
منبع گه کوره، مذکور بمب بو کندک نینگ یقیین‌لیگیده اصابت قیلگن، بیراق پارتلمه‌گن.
اوشبو امنیتی منبع نینگ کوپه‌یتیریشیچه، مذکور ایکی اوچووچی‌سیز اوچاق امنیتی کوچلرنینگ اوق آتگنیدن کیین اوزاق‌لشگن.
طالبان حاضرگچه بو حقده فکر بیلدیرمه‌گن.
۲۱۷ پامیر قول اردو قومندانلیگی و قندوز محلی و امنیتی مسئوللری بو توغریده هیچ بیر نرسه دیمه‌گن.
شونینگدیک اوچ کون آلدین طالبان نینگ ایکی اوچووچی‌سیز اوچاغی ۲۱۷ قول اردو مرکزی اوستیگه اوچیب و بو حربی مرکز گه بمب تشله‌گن ایدی.
امنیتی منبعلرنینگ ایتیش‌لریچه، بمب آتیلیشی نتیجه‌سیده بیر حربی هلیکوپتر تخریب بولگن. بیراق قول اردو سوزلاوچیسی هلیکوپتر بوزیلگنی نی رد قیلگن.
