اوشبو وزیرلیک سوزلاوچیسی هماین افغان بوگون (شنبه، ۲۰ جوزا) سلام‌وطندار بیلن اوتکزگن صحبتیده، تورکمنستان تیزلیک بیلن افغانستان ده تاپی پروژه‌سی ایشینی باشلش گه امیدوارلیک بیلدیرگن.
او نینگ کوپه‌یتیریشیچه: «تاپی پروژه‌سی نینگ یریم قالگن ایشلرینی بیتتیریش گه اولگوردیک، خوفسیزلیک، تخنیکی و حقوقی برچه مسئله‌لری نهایی بولگن و اوشبو پروژه ایشی تیزلیک بیلن باشله‌نیشی گه امیدوارمیز.»
بیزلرنینگ فیسبوک صحیفه‌میزگه باش اورینگ!
اوتگن کونی پاکستان باش وزیری شهباز شریف، بیر بیانیه ده تاپی پروژه‌سی عملی ایشی باشله‌نیش طرحی تورکمنستان دولت وزیری و گاز باشلیغی همده پاکستان نینگ نفت ایشلری بوییچه دولت وزیری تامانیدن، مذکور مملکت باش وزیری نینگ حضوری ده امضالنگنینی معلوم قیلگن.
شهباز شریف گه کوره، اوشبو پروژه نینگ عملی ایشلری باشله‌نیشی بیلن منطقه اولکه‌لری طبیعی گاز دن فایده‌لنیش‌لری ممکن. «تاپی منطقه اوچون مهم بیر پروژه دیر، عشق‌آباد دن باشله‌نیب، کابل و اسلام‌آباد یولی بیلن هندوستان گه اوتکزیله‌دی. مذکور پروژه ایشی باشله‌نیشی بیلن منطقه اولکه‌لری طبیعی گاز دن فایده‌لنه‌دیلر.»
شو بیلن بیرگه، اقتصادی ایش بیلرمان‌لردن بیرقطاری نینگ ایتیشلریچه، منطقه مملکت‌لری اورته‌سیده‌گی قرشیلیکلر باعث، افغانستان ده تاپی پروژه‌سی عملی ایشی حاضرگچه باشلنمه‌گن.
بیلیم یورت اوقیتووچیسی و اقتصادی ایش بیلرمان سیدمسعود گه کوره، اسلام امیرلیگی تن آلینمسلیگی و منطقه ده‌گی قرشیلیکلر، تاپی پروژه‌سی حمایتچیلری اوشبو پروژه نی حمایت قیلمسلیک‌لری گه سبب بولگن.
اونگه کوره: «تاپی پروژه‌سی ۳۳ فایزی آسیا ترقیاتی بانکی، امریکا و جاپان تامانیدن حمایت بولر ایدی، حاضر مناسبت یخشی ایمسلگی و اسلام امیرلیگی تن آلینمسلیگی باعث حمایت قیلیش دن باش تارتگنلر، شونی اوچون گاز پایپی تارتیلمه‌ی قالگن.»
بیزلرنینگ توییترده هم تعقیب قیلینگ!
شونینگدیک، اقتصادی ایش بیلرمان‌لردن باشقه بیری نصیراحمد رشتیا، منطقه ده‌گی تارتیشوولرنی تاپی پروژه‌سی عملی ایشی باشلنمسلیک مهم عامل‌لریدن عنوان قیله‌دی.
او نینگ کوپه‌یتیریشیچه: «پاکستان و افغانستان اقتصادی قیینچیلیک باعث مذکور پروژه نینگ عملی ایشلرینی باشله‌ی آلمه‌یدیلر، ایران، امریکا و روسیه اورته‌سیده‌گی کیسکین‌لیکلر اوشبو پروژه نینگ توخته‌لیشی گه سبب بولگن.»
۱۳۹۵_ییل ده افغانستان، تورکمنستان، پاکستان و هندوستان رهبرلری، تاپی پروژه‌سی عملی ایشلری باشله‌نیشی اوچون شرطنامه امضاله‌دیلر و مذکور پروژه ۱۳۹۸_ییل گه قدر فایده‌لنیشگه تاپشیریلیشی کوتیلر ایدی.
