سالیق ییغیش حکومت نینگ اصلی درآمد منبعی حسابلنه‌دی، اسلام امیرلیگی حاکمیت گه ایریشگندن بویان جدی روشده سالیق ییغیش گه اقدام قیلیب و اوشبو یول آرقه‌لی کتته درآمد قولگه کیریتماقده.
ایریم موردلرده، اسلام امیرلیگی نینگ بو ایشی سالیق تولاوچیلرنی جدی باسیم بیلن روپه‌ره قیلگن.
بیراق کیچیک سالیق تولاوچیلردن بیرقطاری، مسئول اداره‌لر تامانیدن اولرگه مهلت بیریلمسدن دکان‌لری مهرولاک بولیشیدن شکایت قیلماقده‌لر.
بیزلرنینگ فیسبوک صحیفه‌میزگه باش اورینگ!
کابل ده سیاحتی شرکت‌لردن بیری نینگ مسئولی محمداکبر نینگ سلام‌وطندار گه ایتیشیچه: «ایکی کون تکس پولی توله‌نیشی کیینگه قالسه کیلیب مهرولاک قیلیشه‌دی، هیچ بولمسه بیر آی و ۱۵ کون مهلت بیرسه‌لر، بیز درحال پول نی قییردن قیله‌یدیک.»
عین‌حالده، سالیق تولاوچیلردن بیرقطاری بازار یوق‌لیگیدن شکایت قیلیب ایتیشلریچه، شو وضعیت ده اولر حکومت گه آغیر سالیق تولش گه مجبورلر.
اولر حکومت دن، سالیق تولاوچیلر گه سالیق‌لرینی تولش و ایشلری یخشی‌لنیشی اوچون قولی‌لیک یره‌تیشنی طلب قیله‌دیلر.
کابل ده دکاندارلردن نوراحمد گه کوره: «نرخ بلند، سودا یوق آلیب کیلگن بعضی نرسه‌لریمیز نینگ مدتی توگه‌یدی و بیز ساته آلمه‌یمیز، کوپ جنجل گه قالگن‌میز، حکومت دن بیز گه قولی‌لیک یره‌تیشینی ایسته‌یمیز.»
باشقه تاماندن، اقتصادی ایش بیلرمان و ملی سوداگر عبدالنصیر رشتیا نینگ ایشانچی گه کوره، سالیق ییغیش، سوداگرلر و سرمایه یاتقیزووچیلر اونگیده‌گی چیکلاولر، اولکه ده سرمایه یاتقیزیش جریانی اوستیده سلبی تأثیر قیله‌دی.
بیزلرنینگ توییترده هم تعقیب قیلینگ!
او نینگ ایتیشیچه: «سالیق تولش و امنیتی ساحه‌لرده قانون_قاعده جدی آلینیب و تجارلر باسیم بیلن روپه‌ره بولسه، شونچه‌لیک مردم زیریکیب و هیچ کیم سرمایه یاتقیزیش گه قیزیقمه‌یدی.»
بیراق مالیه وزیرلیگی نینگ سوزلاوچیسی احمدولی حقمل، سالیق تولاوچیلر نینگ شکایتی خصوصیده سلام‌وطندار نینگ سوالی گه کتبی جواب یوللب ایتیشیچه، سالیق تولش بولیمیده سوداگرلر گه کوپ قولی‌لیک یره‌تیب و سالیق میزانینی هم کمه‌یتیرگنلر.
عین‌حالده، بوندن آلدین نیچه مرته سالیق تولاوچیلر مملکت نینگ تورلی منطقه‌لریده سالیق یوقاری‌لیگیدن نالیگنلر.