کابل ده غیرطبیعی توغیشلر کوپه‌یگنی بیلن بیرگه، آنه‌لردن قطاری نینگ ایتیشلریچه، غیرطبیعی توغیش، طبیعی توغیش کبی قیین‌چیلیکلر گه ایگه ایمس و انه شوو سبب کابل ده آنه‌لر آره‌سیده بو کبی توغیشلر کوپه‌یگن.
غیرطبیعی توغیش تجربه‌سی گه ایگه بولگن نسیمه نینگ سلام‌وطندار گه ایتیشیچه، طبیعی توغیش نینگ آنه‌لر گه آزراق ضرری بار.
اونینگ کوپه‌یتیریشیچه: «قیغو بیلن طبیعی توغیش تجربه‌سی گه ایگه ایمس‌من؛ چونکه مین طبیعی شکلده توغیش گه موفق بولمه‌ی و مجبور سزارین بولسم و بو مورد بلکیم مینی اوچون یخشی بولمسه؛ لیکن مین طبیعی توغیش نی ایسته‌یمن؛ چونکه کوپ راحت حیات کیچیره آله‌ر ایدیم.»
بیزلرنینگ فیسبوک صحیفه‌میزگه باش اورینگ!
نیچه ساعت‌دن کیین ایکینچی مرته غیرطبیعی توغیش نی تجربه قیله‌دیگن آنه‌لردن باشقه بیری نرگس نینگ ایتیشیچه، بو کبی توغیش اونینگ اوچون بویوک بیر قیین‌چیلیککه اوزگرگن.
اونینگ کوپه‌یتیریشیچه: «ایکینچی مرته دیر که سزارین نی تجربه قیله‌من و حقیقتا کوپ قیین‌چیلیکلرنی اوتکزگن‌مین؛ عملیات‌دن کیینگی آغریقلردن قیته ساغه‌لیش گه قدر، برچه نرسه مینی اوچون قیین ایدی. بو جراحی‌دن کیین هر مرته توغیشیم‌ده سزارین روشیده بولیشی کیره‌ک. بویوک بیر قیین‌چیلیک بیلن روپه‌ره بولگنیم نی توشینه‌من. شفاکارلر هم باشقه طبیعی توغیشگه امکانیتیم یوقلیگی نی ایتگنلر.»
باشقه بیر تاماندن، باش مرته غیرطبیعی شکلده توغگن فرشته نینگ ایتیشیچه، بو کبی توغیش نینگ آزراق قیین‌چیلیگی بار.
اونینگ کوپه‌یتیریشیچه: «بیرینچی باله‌م نی سزارین روشی بیلن دنیا گه کیلتیردم، بو روش نینگ مینی اوچون آسان‌راق بولگنی نی توشیندیم و طبیعی توغیش آغریغی نی تجربه قیلگنیم یوق. آسان و طبیعی توغیش نینگ قتیق آغریغی نی تجربه قیلمسلیک سبب، مینی اوچون مناسب‌راق کوریله‌دی. انه شوو سبب کیله‌سی توغیشلرده هم بو روش نی تنلش گه قرار آلگن‌مین. مینیمچه آرام و راحت‌لیگی اوچون سزارین یخشی دیر؛ چونکه جراحی‌دن کیین هم آغیریق نی حس قیلمه‌ی و تیز یخشی بولدیم.»
شونده‌ی بیرحالده، کابل ده نسایی-ولادی بولیمی شفاکاری لطیفه زاهد نینگ ایتیشیچه، معلوماتلر گه قره‌گنده غیرطبیعی توغیشلر میزانی کوپه‌یگن. اونینگ کوپه‌یتیریشیچه: «اوتگن ییل‌لرده سزارین رقمی کوپ آز ایدی؛ حاضر ایسه اوتگن ییل‌لر گه قره‌گنده سزارین جوده‌یم کوپه‌یگن. اوتگن ییل‌لرده بیر آی‌ده ۵-۷ سزارین بار ایدی؛ حاضر ایسه بیر آی‌ده ۴۰-۵۰ سزارین بار.»
شونینگدیک کابل ده‌گی نسایی-ولادی بولیمی شفاکارلریدن باشقه بیری فهیمه سکندری نینگ ایتیشیچه، عیاللر آره‌سیده غیرطبیعی شکلده توغیش گه مجبور کیشیلر بار؛ بیراق بیر قطار عیال اوز ایسته‌کلری بیلن بو کبی توغیش گه یوز کیلتیره‌دیلر.
بیزلرنینگ «ایکس» ترماغی ده هم تعقیب قیلینگ!
مذکور شفاکار نینگ کوپه‌یتیریشیچه: «بیر آی‌ده کسل‌لردن ۱۵ فایزی سزارین گه کاندید بوله‌دی. عیاللردن قطاری سزارین بولیش نی ایسته‌یدیلر؛ لیکن بیر قطاری ایسه جدی شکلده نیازی بار.»
سرپرست حکومت ساغلیق‌نی سقلش وزیرلیگی مسئوللری، بو موضوع گه تیگیشلی معلومات بیرمه‌ی و شونینگدیک بیللی بیر جواب قیترمه‌گنلر.
ایتیش کیره‌ک که، بوندن آلدین خلق‌ارا ساغلیق‌نی سقلش تشکیلاتی طبی سببی بولمه‌گن غیرطبیعی توغیشلر نینگ کوپه‌یگنی خصوصیده آگاه‌لنتیریب و بو کبی توغیشلر نینگ جمعیت‌ده‌گی آسایشته‌لیکده حیات کیچیره‌دیگن بولیم آره‌سیده کوپه‌یگنی نی بیان قیلگن.
