کابل ده معتاد عیاللردن قطاری نینگ ایتیشلریچه، اقتصادی قیین‌چیلیکلر سبب، مخدره ماده گه یوز کیلتیرگنلر.
کابل شهری‌ده مخدره ماده گه چلینگن عیاللر گه مخصوص دوالنیش مرکزده دوالنه‌دیگن ۲۹ یاشر راحله گه کوره، تورموش اورتاغی نینگ معتاد بولگنی سبب او هم مخدره ماده گه چلینگن.
راحله نینگ ایتیشیچه، حاضر ایسه حیات کیچیریش اوچون جایی یوق و اوچ باله‌سی بیلن اوشبو دوالنیش مرکزی‌ده کون اوتکزماقده. «اولر مینی بو ییرده سقلیه آلمه‌یدی؛ ۴۵ کون تولگنی‌ده، آزاد بوله‌من؛ لیکن تورموش اورتاغیم‌دن قورقه‌من؛ جاییم یوق؛ ایشیم یوق؛ بو ییردن کیته آلمه‌یمن. نیمه بولیشینی بیلمه‌یمن، سرک‌ده قاله‌من. اوییم یوق، باش‌پنه‌م یوق.»
بیزلرنینگ «ایکس» ترماغی ده هم تعقیب قیلینگ!
شونینگدیک ایکی آی مخدره ماده قوللنگن کابل یشاوچیلریدن باشقه بیری زینب و تورت ییل مخدره ماده قوللنگن زحل، مخدره ماده نی ترک قیلیش مخصوص دوالنیش مرکز‌یگه بستری بولگنلر. اولر نینگ ایتیشلریچه، مخدره ماده نی ترک قیلیب و جمعیت‌ده‌گی عادی اهالی کبی حیات کیچیریشنی ایسته‌یدیلر.
زینب نینگ ایتیشیچه: «بو ییرگه کیلگنیم‌دن خورسند‌مین؛ بو حیاتیم‌ده بیر تجربه بولدی. باشقه کیشی‌لر گه بونی فایده‌سی بولمه‌گنی و مخدره ماده قوللنمسلیکلرینی ایتماقچینمین.»
شونینگدیک زحل نینگ ایتیشیچه: «ساغه‌یب و عایله‌م بیلن ساغلام بیر انسان کبی حیات کیچیریش گه امیدوارمین. قیته درسلریم نی اوقیش ایسته‌یمن. باشقه مخدره ماده گه یوز کیلتیریش ایستمه‌یمن.»
بیزلرنینگ فیسبوک صحیفه‌میزگه باش اورینگ!
کابل ده مخدره ماده گه چلینگن عیاللر گه مخصوص ۱۵۰ یاتاقلی دوالنیش مرکزی باشلیغی شایسته حکیم نینگ ایتیشیچه، عایله‌وی زوره‌وانلیک و جنسیتی تبعیض‌لر، عیاللر نینگ مخدره ماده گه چیلیشی‌گه سبب بوله‌دیگن اینگ اونملی عامللردن دیر.
شونینگدیک ساغلیق‌نی سقلش وزیرلیگی سوزلاوچیسی شرافت زمان امرخیل نینگ ایتیشیچه، مخدره ماده گه چلینگن عیاللر نینگ دوالنیشی اوچون افغانستان بویلب ۱۰۰ته دوالنیش مرکز آچیلگن.
عین حالده خلق‌ارا تشکیلاتلر نینگ اعلام قیلیشیچه، افغانستان ده مخدره ماده گه چلینگن عیاللر سانی نینگ کوپه‌یماقده.