کابل ده افغان-جاپان کسل‌خانه‌سی مسئوللری نینگ ایتیشلریچه، اوتگن بیر هفته‌ده پایتخت‌ده کرونا گه چلینگنلر سانی ۳۰ فایز کوپه‌یگن و شونینگدیک اوشبو کسل‌لیککه چلینگن سکیز کسل، جان بیرگن دیر.
اوشبو کسل‌خانه‌ده کرونا گه چلینگنلر نینگ مخصوص دوالش بولیمی مسئولی شیرین‌آغا ناصری نینگ سلام‌وطندار گه ایتیشیچه: «یانیمیز‌ده‌گی آمار گه قره‌گنده، قیغو بیلن اوشبو کسل‌لیک نینگ کوپه‌یگنی نی کورسته‌دی. حاضر ایسه ۲۳ بستری بولگن کسلی‌میز بار و اوتگن هفته‌ده سکیز کسل نی بستر قیلگن ایدیک. پی‌سی‌آر تثبیتی گه قره‌گنده ۱۰ کسل نینگ نمونه‌سی مثبت ایکن.»
کابل ده افغان-جاپان کسل‌خانه‌سی مسئوللری گه کوره، اوتگن بیر هفته‌ده اوشبو کسل‌خانه‌ده گه ۲۷۴ کیشی کرونا ویروس طبی تیکشیروی اوچون مراجعت قیلگن که، اولردن کوپینچه‌سی نی عیال‌لر تشکیل بیرگن.
بیزلرنینگ فیسبوک صحیفه‌میزگه باش اورینگ!
باشقه بیر تاماندن، شفاکارلر یشاوچیلر نینگ شخصی و اجتماعی سلامت‌لیکلری گه توجه قیلمه‌سلیک‌لری، موسوم اوزگریشی و یاپیق جای‌لرده ییغیلیش نینگ، اوشبو کسل‌لیک کوپه‌یگنی اصلی عامل‌لریدن عنوان قیله‌دیلر.
افغان-جاپان کسل‌خانه‌سیده‌گی شفاکارلردن عبدالخالق نینگ ایتیشیچه: «ویروس یاپیق جای‌لرده تیز شکلده ترقه‌له‌دی؛ انه شوو سبب، یاپیق و گوجوم‌لی جای‌لرده اهالی توجه قیلیب و شونینگدیک ماسک‌دن قوللنیش‌لری کیره‌ک؛ چونکه اوشبو کسل‌لیک یوقمه و اولدیره‌دیگن کسل‌لیک دیر.
باشقه بیر تاماندن، افغان-جاپان کسل‌خانه‌سیده کرونا کسل‌لیگی گه چلینگنلردن قطاری نینگ ایتیشلریچه، دوام‌لی شکلده نیچه کون کسل‌لیک و نیچه طبی تیکشیروودن کیین، کرونا گه چلینگنلری بیللی بولگن.
کابل شهری یشاوچیسی گل‌جان نینگ ایتیشیچه، کرونا گه چلینگنی‌دن سکیز کون بولگن. اونینگ کوپه‌یتیریشیچه: «نفسم قیسیدی؛ کوپینچه شفاکار نینگ یانیگه باردیم، یخشی بولمه‌دیم. بو ییرگه کیلگنیم‌ده، مینی بستر قیلدیلر. وضعیتیم جوده‌یم یامان ایدی، حاضر ایسه دایم آکسیجن آله‌من.»
۲۳ یاشر پنجشیر یشاوچیسی عبدالوحید نینگ ایتیشیچه، اوچ هفته آلدین کرونا گه چلینگن. اونینگ کوپه‌یتیریشیچه: «نفسم قیسیدی، باشیم و جانیم آغریدی. انه شوو سبب، کسل‌خانه گه کیلدیم. معاینه قیلگنی‌دن کیین، طبی تیکشیروو نتیجه‌سی مثبت چیقدی. گرچند حاضر وضعیتیم یخشی بولگن؛ بیراق دایم آکسیجن آله‌من.»
بیراق ساغلیق‌نی سقلش وزیرلیگی مسئوللری نینگ ایتیشلریچه، میلادی جاری ییل باشیدن حاضرگچه، مملکت‌ده کرونا نینگ ۱۸ مینگ ۲۹۷ مثبت واقعه‌سی ثبت بولگن که، اولر ارا ۹۷ کیشی اوشبو کسل‌لیک طفیلی جان بیرگن.
بیزلرنینگ «ایکس» ترماغی ده هم تعقیب قیلینگ!
مذکور وزیرلیک سوزلاوچیسی شرافت زمان امرخیل نینگ ایتیشیچه: «۲۰۲۳-ییل باشیده، کوپینچه واقعه ثبت بولمه‌گن. اپریل‌ده بیش مینگ واقعه‌میز بار ایدی. می‌ده آلتی مینگ واقعه و حاضر ایسه بو رقم کوپ کمه‌یگن و سپتمبر‌ده ۷ واقعه ثبت بولگن.»
ساغلیق‌نی سقلش وزیرلیگی آماری اساسیده، ۲۰۲۰-ییل‌دن حاضرگچه مملکت‌ده کرونا کسل‌لیگی‌دن ۲۲۵ مینگ ۳۸۷ مثبت واقعه ثبت بولگن و ۷ مینگ ۹۴۴ کیشی اوشبو کسل‌لیک نتیجه‌سیده جان بیرگن.
