بوگون (چهارشنبه، ۲۰ ثور) کابل شهری «علی‌آباد کسلخانه‌سی» ده عالی اوقوو وزیرلیگی تامانیدن داخله کسل‌لرینی دوالش و سرطان کسل‌لرینی جراح‌لیک قیلیش مرکزی آچیلیب و فایده‌لنیشگه تاپشیریلدی.
علی‌آباد تدریسی کسلخانه‌سی باشلیغی عبدالمطلب شینواری گه کوره، اوشبو مرکز خلق‌ارا ساغلیق‌نی سقلش تشکیلاتی، خلق‌ارا قیزیل خاچ کمیته‌سی و عالی اوقوو وزیرلیگی نینگ همکارلیگی بیلن قوریلگن.
او نینگ کوپه‌یتیریشیچه: «داخله کسل‌لرنی دوالش و سرطان کسل‌لرینی جراح‌لیک قیلیش مرکزی، خلق‌ارا ساغلیق‌نی سقلش تشکیلاتی، خلق‌ارا قیزیل خاچ کمیته‌سی و عالی اوقوو وزیرلیگی نینگ همکارلیگی بیلن ۲۰ میلیون افغانی عوضی گه قوریلگن.»
بیزلرنینگ فیسبوک صحیفه‌میزگه باش اورینگ!
مذکور وزیرلیک مسئوللری، مملکت نی ترک ایتگن طب متخصص‌لریدن، اولکه گه قیتیش‌لرینی طلب قیلگنلر.
عین‌حالده، عالی اوقوو وزیرلیگی نینگ سرپرستی ندامحمد ندیم خلق‌ارا نهادلردن، افغانستان ده ساغلیک بولیمینی معیاری‌لشتیریش اوچون همکارلیک قیلیش‌لرینی ایسته‌گن.
اونگه کوره: «سرطان شعاع مرکزی بودجه‌سی کابینه تامانیدن تصدیقلنگن و عملی ایشی باشله‌نیشی ممکن. خلق‌ارا نهادلردن افغانستان ده ساغلیک بولیمینی معیاری‌لشتیریلیشی اوچون یاردم بیریش‌لرینی ایسته‌یمیز.»
باشقه تاماندن، سرطان گه چلینگن‌لردن بیرقطاری مذکور درمانی مرکز آچیلیشیدن خورسندلیک قیلیب ایتیشلریچه، اوشبو کسلخانه ده دوالنیش گه امیدوارلر.
سرطان گه چلینگن ۶۴ یاشر اکرام‌الدین حاضرعلی‌آباد تدریسی کسلخانه‌سیده بستری دیر ایتیشیچه، اقتصادی قیینچیلیک باعث درمان اوچون چیت ایل گه باره آلمه‌گن.
او، اوشبو مرکز ده دوالنیش گه امید بیلدیره‌دی. «۶۴ یاشر من، تأسف بیلن سرطان گه چلیندیم و اقتصادی قیینچیلیک باعث چیت ایل گه باره آلمه‌دیم و حاضر بو ییرده دوالنیش گه امیدوار من.»
بیزلرنینگ توییترده هم تعقیب قیلینگ!
سرطان گه چلینیب علی‌آباد تدریسی کسلخانه‌سیده بستری بولگن کسل‌لردن باشقه بیری امین گل گه کوره: «مین کوپ کسلخانه‌لرده درمان اوچون مراجعت قیلدیم و حاضر بو ییرده درمان بولیش اوچون کیلگن من.»
حاضرگی کونده یالغیز کابل، قندهار و هرات ده سرطان کسل‌لیگینی انیقلش و درمانلش اوچ مرکز فعالیت قیلماقده دیر.
خلق‌ارا ساغلیق‌نی سقلش تشکیلاتی نینگ معلوماتی اساسیده، اوتگن ییلی افغانستان ده سرطان گه چلینگن ۲۳ مینگ کیشی قید ایتیلگن، اولر ارا ۱۶ مینگ کیشی وفات ایتگن.
