افغانستان سوداگرلیک و صناعت بیرلشمه‌سی، بوگون (چهارشنبه، ۲۳-حمل)، کابل شهری تیمورشاهی باغی‌ده آز بها گه ایچکی محصوللر و تولید‌لر ساتیلیشی اوچون «ارزان بازار» اسمی آستیده بیر بازار نی ایجاد قیلگن و مذکور بازار اون کونگچه دوام تاپیشی ممکن.
افغانستان سوداگرلیک و صناعت بیرلشمه ریاست رئیسی نثار‌احمد بهبودی نینگ ایتیشیچه: «افغانستان سوداگرلیک و صناعت بیرلشمه‌سی، کابل شهری نینگ تیمورشاهی باغی‌ده اون کونگچه آز بها بیلن ایچکی محصوللر و تولید‌لر ساتیلیشی اوچون بیر بازار نی آچگن و اوشبو بازار نینگ آچیلیشی‌دن مقصد، اهالی هییت کونلریده نیازلری بولگن نرسه‌لر نی آز بها بیلن آلیش دیر.»
بیزلرنینگ توییترده هم تعقیب قیلینگ!
شونده‌ی بیرحالده، کابل بلدیه‌سی نینگ مسئوللری ارزان بازار نینگ آچیلگنی‌دن خورسند‌لیک بیلدیریب و ایتیش‌لریچه، پایتخت نینگ تورلی بولیم‌لریده بو کبی بازارلر نینگ یولگه قویلیشی، جنس‌لر نرخی نینگ کمه‌یشی گه سبب بوله‌دی.
کابل بلدیه‌سی نینگ فرهنگی ایش‌لری ریاست رئیسی ولی‌گل جواد نینگ ایتیشیچه: «کابل بلدیه‌سی دوکان‌دارلر هییت کونلریده نرسه‌لری نی قیمت پول بیلن ساتمه‌یشلری خصوصیده سعی و حرکت قیلماقده؛ بیراق قیغو بیلن دوکان‌دارلر قیمت ساته‌دیلر و پایتخت نینگ تورلی بولیم‌لریده بو کبی بازارلر نینگ یولگه قوییلیشی نرخ‌لر کمه‌یشی گه سبب بوله‌دی.»
شونده‌ی بیرحالده، «ارزان بازار»ده‌گی ساتووچیلردن قطاری نینگ ایتیش‌لریچه، بو کبی بازارلر نینگ ایجاد بولیشی، توارلری نینگ راحت و تیز بیر شکلده ساتیلیشی گه سبب بوله‌دی.
مذکور بازار‌ده‌گی ساتووچیلردن بیری مجیب سحار نینگ ایتیشیچه: «اوشبو ارزان بازارده ایچکی محصوللر و تولید‌لر ۱۰، ۲۰ و ۳۰ فایز تخفیف بیلن ساتیله‌دی و بو بازار گه اشتراک قیلیش محصول‌لریمیز نینگ یخشی‌راق ساتیلیشی گه سبب بوله‌دی.»
بیزلرنینگ فیسبوک صحیفه‌میزگه باش اورینگ!
عین حالده، ساتیلیش اوچون قول صناعتی نی اوشبو بازار گه کیلتیرگن خدیجه نوری نینگ ایتیشیچه، مذکور بازارده عیاللر نینگ حضوری کوپ یخشی دیر و عیاللر اوچون دایمی بازارلر نینگ توزتیلیشی کیره‌ک.
خدیجه نوری نینگ کوپه‌یتیریشیچه: «بو ییر گه یخشی کیفیت و ارزان قیمت بیلن ساتیلیشی اوچون گراف‌دوزلیک و خامک دوزلیک عیاللر کییم‌لری، ترشی و قوروق میوه آلیب کیلگن‌میز.»
شونینگدیک «ارزان بازار» گه بارگن کیشی‌لردن قطاری نینگ ایتیش‌لریچه، بو کبی بازارلر نینگ یولگه قویلیشی، هییت کونلریده نیازلری بولگن مورد‌لر نی آز قیمت بیلن آله‌لگنلر.
اوشبو بازاردن کوریش اوچون کیلگن خال‌محمد نینگ ایتیشیچه: «بو بازار اهالی اوچون کوپ فایده‌لی و دوکان‌دارلر هییت نرسه‌لری نی آز قیمت بیلن ساته‌دیلر و اهالی هم یخشی قیمت بیلن آلیش‌لری ممکن.»
افغانستان سوداگرلیک و صناعت بیرلشمه‌سی نینگ معلوماتی اساسیده، بو بازارده ایچکی محصوللر و تولید‌لر نینگ ساتیلیشی اوچون ۳۰۰ غرفه قوییلگن که، ۱۰۰دن آرتیق غرفه ایسه عیالر گه اختصاص بیریلگن.
