القاعده رهبری ایمن الظواهری آمریکا تامانیدن اولدیریلیشیدن کیین، آمریکا دولتی چیت ایل‌ده‌گی اوز فقرالری گه، القاعده نینگ احتمالی هجومی خصوصیده آگاه‌لنتیرگن.
آمریکا تشقی ایشلر وزیرلیگی نینگ ایتیشیچه، الظواهری اولیشی بیلن القاعده حامی‌لری و باشقه ترورچی گروه‌لر، آمریکا قوشمه ایالت‌لری نینگ تأسیساتی و پرسونلینی نشانگه آلیشی ممکن.
مذکور وزیرلیک نینگ کوپه‌یتیریشیچه، اولر نینگ معلومات‌لری اساسیده، ترورچی تشکیلات‌لر دنیا مقیاسیده آمریکا قوشمه ایالت‌لری نینگ منفعتی گه قرشی تروریستیک هجوملرینی ریجه‌لشتیریش گه دوام بیرماقده‌لر.
بیزلرنینگ فیسبوک صحیفه‌میزگه باش اورینگ!
آمریکا تشقی ایشلر وزیرلیگی نینگ ایتیشیچه، اوشبو هجوم‌لرده ایریم تکتیک‌لر جمله‌دن خودکش، ترور، آدم اوغیرلش، اوچاق اوغیرلش و بمب ییرلشتیریش کبی ایشلر گه قول اوروش‌لری ممکن.
مذکور وزیرلیک آمریکا یشاوچیلری گه، خارج گه سفرلری چاغیده دقت قیلیش‌لرینی طلب قیلگن.
کابل ده القاعده رهبری اولدیریلیشی، ایریم مناسبت‌لر گه سبب بولگن. اوشبو مناسبت‌لر دوام ایتر ایکن، آق سرای ملی خوفسیزلیک کینگشی نینگ سوزلاوچیسی جان کربی گه کوره، آمریکا القاعده رهبرینی اولدیریش بیلن افغانستان ترورچیلر اوچون تینچ بیر مکان ایمسلیگینی کورستدی. جناب کربی نینگ ایتیشیچه، القاعده افغانستان ده کوچه‌یمسلیگی کیره‌ک.
اونینگ کوپه‌یتیریشیچه: «جمهور باشلیغ بایدن ایتکنی کبی، افغانستان نی ترورچیلر مکانی گه اوزگریش اجازه‌سینی بیرمه‌یمیز، محتملاً آمریکالیک‌لر و مملکتیمیز گه زیان ییتکیزسه‌لر.»
عین‌حالده، افغانستان تینچلیگی اوچون آمریکا قوشمه ایالت‌لری تشقی ایشلر وزیرلیگی نینگ سابق مخصوص نماینده‌سی گه کوره، حقانی ترماغی کابل قلبی ده القاعده رهبری بارلیگیدن آگاه بولیشی ممکن و محمتلاً اسلامی امارت نینگ باشقه ییریک اعضالری کابل ده ایمن الظواهری بارلیگینی آمریکا گه ایتگنلر.
سابق دولت ده افغانستان ملی خوفسیزلیک کینگشی نینگ مصلحتچیسی دکتر رنگین دادفر سپنتا، اوشبو موضوع گه دایر اوز توییتری ده یازیشیچه، اوتمیش‌لر گه نسبتن آمریکا و اسلامی دولت آره‌سیده دوحه بیتیمی نقض بولگن و اروپا اتفاقی آمریکا نینگ اوشبو کیلیشووی دن قول تارتیشی کیره‌ک.
شو بیلن بیرگه سابق دولت تشقی ایشلر وزیری محمدحنیف اتمر، القاعده رهبری اولدیریلیشی گه مناسبت بیلدیریب توییتری ده یازیشیچه، کابل ده الظواهری نینگ حضوری، خارج دن افغانستان گه ترورچی‌لرنی انتقال بیریشیدن درک بیره‌دی.
بیزلرنینگ توییترده هم تعقیب قیلینگ!
باشقه تاماندن، افغانستان اوچون اروپا اتفاقی نینگ مخصوص نماینده‌سی توماس نیکلسون، ایمن الظواهری اولدیریلیشی گه عکس‌العمل کورسه‌تیب ایتیشیچه، کابل ده آمریکا تامانیدن القاعده رهبری اولدیریلیشی، اسلامی امارت باره‌سیده‌گی شک‌وشبهه نی کوچه‌یتیره‌دی. اونینگ کوپه‌یتیریشیچه، اسلامی امارت اوزبیکستان خلق‌ارا ییغینیده، افغانستان ترورچیلر نینگ تینچ مکانی بولمسلیگیدن ایشانچ بیلدیرگن ایدی.
عین‌حالده، آمریکا استخباراتی تشکیلاتی نینگ اوچووسیز اوچاقی، اوشبو هفته نینگ یک‌شنبه کونی کابل شهری شیرپور منطقه‌سیده بیر بنانی نشانگه آلیب و ایمن الظواهرینی اولدیردی.
کابل شهری ده القاعده رهبری ایمن الظواهری نینگ اولدیریلیشیدن تورت کون اوتماقده، بیراق اسلامی امارت ییریک رسمی‌لری، القاعده رهبری نینگ اولیشینی تصدیق یا ده رد قیلمه‌گن. بوندن آلدین اسلامی امارت سوزلاوچیسی ذبیح‌الله مجاهد بیر بیانیه ترقه‌تیب، کابل ده آمریکا نینگ اوچووسیز اوچاقی هجومینی تصدیقلب و اوشبو هجوم نی آمریکا تامانیدن مملکت هوایی حریمینی نقض قیلیش عنوان قیلگن ایدی.
