اوتگن کونی کابل و مزارشریف شهرلری پارتلش هجوم‌لر گواهی ایدی. آمریکا قوشمه ایالت‌لری نینگ افغانستان بشر حقوقی و خاتین قیزلری اوچون مخصوص نماینده‌سی رینا امیری، اوشبو هجوم‌لر گه عکس‌العمل کورسه‌تیب، اسلامی امارت اهالی امنیتینی تأمین ایتیشی کیره‌ک دیگن.
او توییتری ده یازیشیچه: «اوشبو دهشتلی هجوم‌لر، ییترلیچه عذاب چیکگن افغانستان نینگ گناه‌سیز اهالیسی اوچون ویرانگرچیلیک دن باشقه هدفی یوق.»
بیزلرنینگ فیسبوک صحیفه‌میزگه باش اورینگ!
خاتین قیزلر اوچون آمریکا نینگ مخصوص نماینده‌سی گه کوره، اسلامی امارت دهشتلی اوشبو هجوم‌لر آلدی آلینیشی مقصدیده، بوتون افغان‌لر نینگ امنیتی و نیازمندلیکلرینی تأمین ایتیشی کیره‌ک.
عین‌حالده، افغانستان نینگ سابق جمهور باشلیغی حامد کرزی، کابل و مزارشریف شهرلریده اویوشتیریلگن پارتلش‌لرنی قاره‌لب و اونی بشریت و اسلام قدریت‌لری گه قرشی عنوان قیلگن.
حامد کرزی گه کوره، یاولر نینگ بوزغینچیلیک ایشلرینی آلدینی آلیش و اولکه بویلب دایمی تینچلیک برقرار ایتیلیشی اوچون، بیرلیک و برادرلیک مستحکم و ملی گفتمان باشله‌نیشی کیره‌ک. او بو ایشنی مملکت نینگ یگانه قوتقریش یولی عنوان قیلگن.
بیزلرنینگ توییترده هم تعقیب قیلینگ!
اوتگن کونی بلخ مرکزی مزارشریف شهری نینگ ۵ و ۱۰ـ ناحیه‌لری گه قره‌شلی حدودلرده کیتمه_کیت اوچ پارتلش اویوشتیریلدی که نتیجه ده، ۹ کیشی هلاک و باشقه ۱۵ کیشی یره‌لندی. ایمرجنسی کسلخانه‌سی گه کوره، کابل شهری نینگ ترافیک تورت یولی ده بیر مسجد ده اویوشتیریلگن پارتلش باعث ۲۲ یرهلی کیشی اوشبو کسلخاه گه انتقال بیریلگن که اولر ارا ۵ کیشی جان بیرگنلر.
