کابل امنیه قوماندان‌لیگی مسئوللری گه کوره، کابل شهری دن بنگی‌وار ماده‌لر گه چلینگن‌لرنی ییغیش بیلن، اوتگن ییل گه نسبتن کیچیک جنایی جرم‌لر اینیقسه اوغیرلش میزانی ۸۰ و ۹۰ فایز کمه‌یگن.
کابل امنیه قوماندان‌لیگی سوزلاوچیسی خالد زدران نینگ سلام‌وطندار گه ایتیشیچه: «حاضر کابل شهری دن برچه معتادلر ییغیلگن و بیزاوته‌لیک کمه‌یگن. شونینگدیک، معتادلر ییغیلیشی بیلن ۸۰ و ۹۰ فایز کیچیک جنایی جرم‌لر کمه‌یگن. یشاوچیلردن معتادلرنی ییغیب و درمانلش اوچون حکومت بیلن همکارلیک قیلیش‌لرینی ایسته‌یمیز.»
پایتخت کابل، افغانستان نینگ اینگ نفوس‌لی شهرلریدن سنله‌دی، اوشبو شهرده بنگی‌وار ماده‌لر گه چلینگنلر سانی کوپه‌یشی باعث جنایی جرم‌لر میزانی کوپه‌یب و یشاوچیلرنی جانی و مالی خطر بیلن روپه‌ره قیلگن ایدی. پایتخت یشاوچیلریدن بیرقطاری کابل شهری دن بنگی‌وار ماده‌لر گه چلینگن کیشی‌لر نینگ ییغیلیشیدن خورسند‌لیک قیلیب ایتیشلریچه، سونگی کون‌لرده بنگی‌وار ماده‌لر گه چلینگنلر توپله‌نیشی بیلن کابل شهری بویلب جنایی جرم‌لر اینیقسه اوغیرلاوچیلیک میزانی سیزیلرلی درجه ده کمه‌یگن.
بیزلرنینگ فیسبوک صحیفه‌میزگه باش اورینگ!
کابل شهری نینگ پل‌‌سوخته منطقه‌سیده میوه ساتووچیلیک قیلیب کیله‌یاتگن حمیدالله نینگ ایتیشیچه، بنگی‌وار ماده‌لر گه چلینگن کیشی‌لر توپلنمسدن آلدین، اولر پیچاق بیلن محل یشاوچیلری و یولاوچیلر اوستیگه هجوم قیلیب بار نرسه‌لرینی آلر ایدیلر.
حمیدالله نینگ کوپه‌یتیریشیچه: «معتادلر توپله‌نیشینی یخشی دیه بهاله‌یمیز. بنگی‌وار ماده‌لر گه چلینگنلر دوکانی‌میز‌دن نرسه‌لرنی اوغیرلر ایدیلر، اهالی نینگ موبایلینی اوغیرلر ایدی و کیچه_کوندوز معتادلر باعث تورلی قیینچیلیک‌لر روپه‌ره ایدیک. حاضر یشاوچیلر تینچ‌دیر.»
مسئوللر تامانیدن بنگی‌وار ماده‌لر گه چلینگنلر توپله‌نیشیدن خورسند بولگن کابل شهری یشاوچسی فریما نینگ ایتیشیچه، معتادلر توپله‌نیشی بیلن یالغیز اوغیرلیک ایمس، بلکیم پایتخت نینگ ایریم قسم‌لری هم تازه‌لنگن دیر.
فریما نینگ کوپه‌یتیریشیچه: «بنگی‌وار ماده‌لر گه چلینگن کیشی‌لر ییغیلگندن بیری، منطقه جوده‌یم پاک بولگن. معتادلر سانی کمه‌یگن. اوتگن پیت‌لرده مخدره ماده گه چلینگن کیشی‌لر پیچاق بیلن اهالینی قورقیتیب و نرسه‌لرینی آلر ایدیلر.»
اجتماعی ایش بیلرمان محمد‌نبی احمدی نینگ ایشانچی گه کوره، اوتمیش ده کابل شهری ده معتادلر سانی کوپ‌لیگی سبب جنایی جرم‌لر یوز بیرردی.
بیزلرنینگ توییترده هم تعقیب قیلینگ!
او نینگ کوپه‌یتیریشیچه: «جمعیت ده‌گی ناتینچ‌لیک عامل‌لریدن بیری معتادلر مسئله‌سی دیر و یگانه حل یول معتادلرنی شهر دن توپلش دیر، اولر نینگ حضوری اوغیرلیک یانیده یشاوچیلر نینگ بیزاوته لیگیگه سبب بوله‌دی. تخمیناً ایته آله‌میز که شهرده یوز بیره‌دیگن جرم‌لردن ۲۰ و ۳۰ فایزی معتادلر گه تیگیشلی دیر.»
بنگی‌وار ماده‌لر گه چلینگنلر سانی کوپه‌یشی گه عاید اولکه یشاوچیلری نینگ خواطری دن کیین، اسلام امیرلیگی رهبری بیر فرمان صادر قیلیب و مملکت ده بنگی‌وار ماده‌لر ایکیلیشینی تقیق له‌دی. اوشبو فرمان صادر بولیشیدن کیین، ایچکی ایشلر وزیرلیگی کابل شهری دن حاضرگچه مینگلب معتادنی ییغیب و ساغلیک مرکزلر گه انتقال بیرگن.