باختر دولت آژانسی اوز توییتری ده یازیشیچه، اوتگن کیچه (جمعه، ۲۹ میزان)، کابل شهری نینگ سکیزینچی خوفسیزلیک حوزه حدودلریده اسلامی امارت خوفسیزلیک کوچلری تامانیدن، داعش گروهی نینگ قرارگاهی اوستیگه اویوشتیریلگن عملیات ده، ۶ داعش جنگریسی هلاک بولیب و باشقه ایکی جنگریسی قولگه آلینگن.
باختر نینگ معلوماتی اساسیده، داعش گروهی نینگ اولگن جنگری‌لری پایتخت کابل شهری ده وزیرمحمد اکبرخان جامع مسجدی، کاج تعلیمی مرکزی و باشقه قطار پارتلش‌لرده قولی بولگن.
بیزلرنینگ فیسبوک صحیفه‌میزگه باش اورینگ!
اوشبو عملیات جریانیده، داعش گروهی نینگ جنگری‌لری گه تیگیشلی قورال_یراغ تاپیلگن.
اوتگن کیچه اسلامی امارت سوزلاچیسی ذبیح‌الله مجاهد، اوز توییتری ده بیر اطلاعیه ترقه‌تیب، کابل شهری سکیزینچی خوفسیزلیک حوزه حدودلریده، اسلامی امارت دولتی (داعش) گروهی نینگ بیر قرارگاهی کشف ایتیلگن و اسلامی امارت کوچلری مذکور گروه گه قرشی عملیات یولگه قویگنلرینی ایتگن ایدی.
بیزلرنینگ توییترده هم تعقیب قیلینگ!
عین‌حالده، اسلامی امارت هر دایم افغانستانده داعش گروهی مغلوب ایتیلیب و فزیکی حضورلری یوقلیگینی ایتگنلر.
