گرچند شهری منتظم ایستگاه‌لر موجود‌لیگی، شهری حیات نینگ مخصوص خصوصیت‌لردن بیری دیر؛ بیراق کابل یشاوچیلری، نیچه دهه‌دن بویان دایم شهری منتطم ایستگاه‌لر و شهری ترانسپورت یوق‌لیگی‌دن رنج ایلته‌دیلر.
کابل یشاوچیلریدن رضا نینگ ایتیشیچه، شهری ایستگاه‌لر یوق‌لیگی سبب، کونده نیچه ساعت سرک‌لرده سرگردان بولیب و موترلر نینگ کیلیشی نی کوتیب توره‌‌دی. اونینگ کوپه‌یتیریشچه، شهری ایستگاه‌لر یوق‌لیگی، اهالی گه باشقه بیر قطار قیین‌چیلیک ایجاد قیلگنی یانیده، شونینگدیک شهرده گوجوم‌لیک کوپه‌یشی گه سبب بولگن دیر.
بیزلرنینگ توییترده هم تعقیب قیلینگ!
اونگه کوره: «شهرده ایستگاه یوق‌لیگی اهالی گه کوپینچه قیین‌چیلیک یره‌تگن و کونده نیچه ساعت موتر نینگ ییتیب کیلیشی نی کوتیب توره‌میز. شهری ایستگاه‌لر یوق‌لیگی کوپینچه ترافیکی قیین‌چیلیک‌لر نی اورته گه کیلتیره‌دی.»
کابل شهری‌ده‌گی هیداوچیلردن عبدالبصیر نینگ ایتیشیچه: «ایستگاه یوق و اهالی کوپینچه قیین‌چیلیک بیلن روپه‌ره دیر. بو قیین‌چیلیک‌لر ترافیکی گوجوم گه سبب بوله‌دی؛ امبولانس کیلگنی صورت‌ده کسل نینگ تلف بولیشی ممکن.»
کابل یشاوچیلریدن باشقه بیری صفی‌الله نینگ ایتیشیچه: «بیللی بیر ایستگاه یوق؛ هر کون ترافیک‌لر درست رفتار قیلمه‌ی و دشنام بیره‌دیلر. بیللی بیر ایستگاه توزه‌لگنی صورت‌ده، هیداووچیلر و کابل یشاوچیلریدن کوپ قطاری گه آسایشته‌لیک ایجاد بوله‌دی.»
عین حالده، ترانسپورت و ملی هوانوردلیک وزیرلیگی، کابل اوچون شهری منتظم ریجه تصویب ایتیلیشی‌دن خبر بیرگن.
بیزلرنینگ فیسبوک صحیفه‌میزگه باش اورینگ!
ترانسپورت و هوانوردلیک وزیرلیگی سوزلاوچیسی امام‌الدین احمدی نینگ ایتیشیچه: «شهری منتظم ریجه‌سی، کابینه تامانیدن تصویب بولگن و تیزلیککه تطبیق بولیشی اوچون سعی و حرکت بوله‌دی.»
ترانسپورت و هوانوردلیک وزیرلیگی نینگ معلوماتی اساسیده، شهری منتظم ریجه‌سی‌ده پایتخت بویلب ۸۹ مسیر موجود دیر که، اوشبو مسیر‌لردن هر بیریده، بیللی ایستگاه‌لر جایلشتیریلگن و اوشبو مسیر‌لرده فعالیت قیله‌دیگن برچه مورت‌لر اوچون استیکر ترقه‌تیلیشی ممکن.
