قیش موسومی عرفه‌سیده، مملکت اینیقسه کابل یشاوچیلری یاقیلغی ماده‌لرنی تیارلماقده‌لر، بیراق اوتگن ییل گه نسبتن بو ییل یاقیلغی ماده‌لر اینیقسه تاش کومیر نرخی یوقاریلیگیدن شکایت قیلماقده‌لر.
عین‌حالده، اسلامی امارت سوزلاوچیسی اورین‌باسرلریدن بلال کریمی اوز تویتری ده، کابل شهریده یاقیلغی ماده‌لر نرخینی کنترول ایتیش مقصدیده، اوشبو شهر نینگ تورت بورچگیده ۴۰۰ تُن تاش‌کومیر، ۹ مینگ افغانی عوضیگه ترقه‌تیلیشینی یازگن.
بو قرار ایسه کابل شهریده تاش کومیر ساتووچیلرنینگ خواطری‌گه سبب بولگن، اولر گه کوره، اسلامی امارت رسمی‌لری نینگ بو قراری اولر نینگ ایشلری اوستیگه سلبی تأثیر قیله‌دی.
بیزلرنینگ فیسبوک صحیفه‌میزگه باش اورینگ!
اولر اسلامی امارت دن، یاقیلغی ماده‌لر قیمتینی پس توشیریش اوچون، سالیق‌لر کمه‌یتیریلیشینی ایسته‌یدیلر.
کابل شهریده تاش کومیر ساتووچیلریدن بیری نجیب الله نینگ ایتیشیچه: «مین اوزیم ۴۰ تُن تاش‌کومیرنی یوقاری بهاگه ساتیب آلگنمن، ارزان ساتگن تقدیرده مینگه ظلم بوله‌دی، حکومت‌دن سالیق‌نی کمه‌یتیریش‌نی خواهله‌یمن، حکومت بیزنی اوستیمیزگه باسیم آلیب کیلمه‌سین، بلکیم قشاق اهالی اوچون اوزی‌گه باسیم کیلتیرسین.»
بونگه قوشیمچه، کابل شهریده‌گی ینه بیر تاش‌کومیر ساتووچی قربان‌مراد نینگ ایتیشیچه، تاش‌کومیر اوستیده‌گی دولتی سالیق و اونی کابل‌ده انتقال بیریش کرایه‌سی، اوتکن ییل‌لرگه نسبتن یوقاری درجه‌ده کوپه‌یگن.
نجیب الله نینگ ایتیشیچه: «اوتکن ییل‌لرده دولتی سالیق بیر تُن‌گه ۲۱۰۰ افغانی ایدی و کرایه هم بیر سیرگه ۱۹ افغانی بولردی، لیکن بو ییل دولتی سالیق ۳۱۰۰ افغانی بولگن و کرایه هم یوقاری کیتگن.»
شوندی بیرحالده کابل شهری یشاوچیلری، یاقیلغی ماده‌لر نرخی آشگنیدن خواطر بیلدیریب، بو نرخ‌ده یاقیلغی ماده ساتیب آلیش‌گه کوچ‌لری ییتمسلیگی‌نی معلوم قیله‌دیلر.
بیزلرنینگ توییترده هم تعقیب قیلینگ!
کابل یشاوچیلریدن بولمیش هادی گه کوره: «برچه گه معلوم خلق وضعیتی آغیر دیر، بیزنی منطقه‌میزده بیر تُن تاش‌کومیر ۱۳ مینگ افغانی‌دن یوقاری ساتیله‌دی بو یوقاری نرخ برچه‌نی خواطرگه قویگن.»
کابل یشاوچیلریدن باشقه بیری رحیم نبی‌زاده نینگ ایتیشیچه: «یاقیلغی ماده‌لر نرخی جوده یوقاری دیر، ایش هم یوق و اهالی‌نینگ ایشی هم کمه‌یگن.»
شوندی بیرحالده، صناعت و سوداگرلیک وزیرلیگی دولتی سالیق تاش‌کومیر اوچون یوقاری ایکن دیگن سوال گه جواب بیرمه‌یدی، بیراق بو وزیرلیک یاقیلغی ماده‌لر نرخینی کنترول ایتیش اوچون سعی و حرکت قیله یاتگن‌لریدن ایشانچ بیره‌دی.
صناعت و سوداگرلیک وزیرلیگی نینگ سوزلاوچیسی عبدالسلام جواد آخوند زاده نینگ ایتیشیچه: «برچه وطن‌داشلریمیزگه یوقاری نرخ‌نی کنترول ایتیش اوچون سعی و حرکت قیله یاتگنیمیزدن ایشانچ بیره‌میز و موجود قیینچیلیکلرنی حل قیله‌میز.»
دیمک بوندن ایلگری مملکت‌‌دن کوپلب سان ده تاش کومیر، پاکستان گه صادر ایتیلیشی و کان‌لردن تاش کومیر ناتوغری طرزده ایشلب چیقریلیشی ایتیلگن.