کابل اوشبو کون‌لر مثلی کوریلمه‌گن درجه‌ده ساووق هوا نی تجربه قیلیب و برققه احتیاجی کوپه‌یگن. کابل یشاوچیلریدن قطاری نینگ ایتیشیچه، ۲۴ ساعت ده یالغیز بیر یا_ده ایکی ساعت برق‌لری بار.
کابل شهری ده‌گی کسلخانه‌لردن بیری نینگ ایشیگی یقینیده توخته‌گن انعام‌الله، برق یوق‌لیگیدن شکایت قیله‌دی. اونینگ ایتیشیچه: «برقسیزلیک جوده هم قیین دیر، چونکه عایله‌میز نینگ ایکی عضوی هوا ساووق‌لیگی باعث کسل بولگن.»
شونینگدیک کابل یشاوچیلریدن قطاری نینگ ایتیشلریچه، سونگی کون‌لرده هوا جوده هم ساووق بولگن و اونگه علاوه برقسیزلیک سبب، کوپینچه قیینچیلیک بیلن روپه‌ره بولگنلر.
بیزلرنینگ فیسبوک صحیفه‌میزگه باش اورینگ!
کابل یشاوچیلریدن صداقت نینگ ایتیشیچه: «برق هیچ کیلمه‌یدی و کیچه تامان هم برق یوق. برقسیزلیک وضعیت نی آغیرلشتیرگن.»
شونینگدیک کابل یشاوچیلریدن عبدالبصیر نینگ ایتیشیچه: «۲۴ ساعت‌ده یالغیز ایکی یا_ده بیر یریم ساعت برقی‌میز بار. برق یوق بولسه‌هم، برق پولی کوپ کیله‌دی.»
نیچه کوندن بیری افغانستان گه اوزبیکستان نینگ وارداتی برقی کسیلیشی باعث، کابل شهری ده برق پرچاوی‌سی کوپه‌یگن.
افغانستان برق ییتکزیش شرکت مسئوللری نینگ ایتیشلریچه، اوزبیکستان تامان‌لری اوشبو مملکت‌ده هوا نینگ ساووق‌لیگی طفیلی برق ایشلب چیقاریلیشی اوچون گاز کمه‌یگنینی، برق کیسیلیش قیینچیلیگی عنوان قیلگنلر.
برشنا شرکتی سوزلاوچیسی حکمت‌الله میوندی، افغانستان و اوزبیکستان ارا امضالنگن بیتیم اساسیده، مذکور مملکت افغانستان گه برق ییتکیزیش گه مجبور دیر.
اونینگ ایتیشیچه: «اولر قرارداد اساسیده برق ییتکزیش گه مجبورلر. اولر تخنیکی قیین‌چیلیکلری بارلیگینی ایتگنلر. بو توغریده اوزبیکستان تامان‌لری بیلن آنلاین جلسه‌میز بار و بو قیینچیلیککه ییچیم یول تاپیش‌لرینی ایسته‌یمیز.»
بیزلرنینگ توییترده هم تعقیب قیلینگ!
گرچند برشنا مسئوللری، برق تنقیص‌لیگی خصوصیده بولگن قیینچیلیک حلی اوچون سعی و حرکت قیله‌یاتگنلری و تره‌خیل حرارتی برق ایشلب چیقریش دستگاه‌سی فعال بولگنی اوستیگه تأکید ایتسه‌لرده، بیراق ینه هم یالغیز کابل ده ۶۲۰ میگاوات برققه نیاز دیر.
کابل برشنا شرکت رئیسی حکمت‌الله آخوندزاده نینگ ایتیشیچه: «کابل ده برق نهایت آز دیر؛ یعنی حاضر کابل ده ۷۰۰ میگاوات برق گه نیازی‌میز بار، بیراق یالغیز ۸۰ میگاوات برقی‌میز بار.»
عین‌حالده، اوتگن هفته یکونیده افغانستان، اوزبیکستان و تاجیکستان بیلن برق قرادادینی ۲۰۲۳_ییل گچه اوزه‌یتیرگن.
