خوست و پکتیاده تاووغ فارمی ایگه‌لری نینگ ایتیشلریچه، پاکستاندن تاووغ گوشتی وارد ایتیلیشی سبب ایش‌لری گه نقصان ییتکن. اولر اسلامی امارت رسمی‌لریدن ایچکی تولیدلری قوللب قوتلنیشی مقصدیده پاکستاندن وارد ایتیله‌یاتگن تاووغ گوشتی گمرکی تعرفه‌لری آشیریلیشینی سوره‌یدیلر.
مذکور فارم‌‌لر ایگه‌لری‌گه کوره، پاکستان‌لیک فارم ایگه‌لری‌گه یره‌تیلگن قولی‌لیک‌لر باعث اولر یخشی فایده قیله‌دیلر بیراق افغانستان‌لیک فارم ایگه‌لری‌گه قولی‌لیک یوق‌لیگی باعث فایده قیلیشمه‌یدی.
تاووغ فارمی ایگه‌لریدن بولمیش جمیل‌شاه نینگ ایتیشیچه، پاکستان انچه‌دن بویان افغانستان‌گه بیمار تاووغ‌لرینی صادر قیلماقد که کوپراق فارم ایگه‌لری ضرر کوریشه‌دی.
بیزلرنینگ فیسبوک صحیفه‌میزگه باش اورینگ!
جمیل‌شاه نینگ اورغولشیچه: «پاکستان تاووغ‌لری کوپ صادر ایتیلیشی باعث ایچکی فارم ایگه‌لری نقصان کوره‌دیلر. پاکستان بیمار تاووغ‌لرینی افغانستان‌گه صادر ایته‌دی، بو کسل‌لیک ایچکی تاووغ‌لرگه یوقه‌دی، بیزگه هم کوپ زیان ییتکیزه‌دی.»
مذکور فارم ایگه‌لریدن باشقه بیری محمدولی نینگ تاکیدلشیچه، پاکستاندن وارد ایتیله‌یاتگن تاووغ گمرکی تعرفه‌لری کوپلسه، ایچکی تولیدلر کوچه‌یشیگه قوشیمچه، فارم ایگه‌لری هم سود قیلیشه‌دی.
بیزلرنینگ توییترده هم تعقیب قیلینگ!
شونینگدیک خوست و پکتیا محلی مسئول‌لری نینگ ایتیشلریچه، پاکستاندن وارد ایتیله یاتگن تاووغ‌لردن تعرفه آلیشه‌دی لیکن مملکت فارم ایگه‌لری کوپراق فایده قیلیش مقصدیده تعرفه آشیریلیشینی ایسته‌یدیلر.
خوست ایکینچیلیک و چارواچیلیک عمومی مدیری محمدم قاسم سلام وطندارگه ایتیشیچه، فارم ایگه‌لری کوپ فایده قیلیش‌دن کیچیب انیق قیمت تعینلسه‌لر مشکل‌لری حل بوله‌دی. اونگه کوره، پاکستاندن تاووغ وارد ایتیلیشی توخته تیلسه، مملکت بویلب تاووغ نرخی آشه‌دی.
ایتیلیشیچه، حاضرگی کونده خوست و پکتیا ولایت لریده کمیده ۸۰۰ تاووغ فارمی موجود، پکتیکا و لوگر ولایت لری نینگ اهالیسی‌نی تاووغ گوشتی بیلن تامینله‌یدی.
