افغانستان تینچلیگی بوییچه امریکا خاص نماینده‌سی زلمی‌خلیلزاد، اوتگن کونی کابل بیلیم یورتی اوستیگه اویوشتیریلگن هجوم نی داعش گروهی گه نسبت بیریب و بو هجوم‌نی ” فاجعه‌لی و جهالتدن طرفدارلیک” قیلیش دیب و اونینگ جدی شکلده قاره‌لگن.
جناب خلیلزادگه کوره، اوشبو هجوم عامل‌لری تینچ‌لیککه قرشی بولیب و افغانستانده دایمی اوروش طرفدارلری دیر.
جناب خلیلزاد بوگون (سه‌شنبه ۱۳- عقرب) تویتر صحیفه‌سیده یازیشیچه: “ترورچیلرنینگ جنایتی یالغیز علم گه قرشی ایمس، بلکیم جهالتدن طرفدارلیک قیلیش دیر، اولر افغانستانده ترتیب‌سیزلیک، تینچ‌سیزلیک، قورقینچ و قشاقلیک ایجاد قیلیش نی ایسته‌یلر. ترورچیلر تینچ‌لیکدن قورقیب و اونگه قرشی بولگنلر و اولر دواملی اوروش نی ایسته‌یدیلر.
جناب خلیلزاد، کابل بیلیم یورتی اوستیگه اویوشتیریلگن هجوم نی فاجعه‌لی دیب، اوشبو هجوم افغانستان حکومتی اوچون فرصت و طالبان اوچون امتیاز قولگه کیلتیریش ایمس دیر. اونگه کوره، ایکی تامان نینگ دشمنی قوشمه دیر.
جناب خلیلزاد، دولت و طالبان دن تینچلیک اوچون بیرپارچه بولیش‌لرینی ایسته‌ب و آتیش‌کیسین همده سیاسی بیر کیلیشوو اوچون حل یول تاپیش‌لرینی سوره‌گن، ” اوشبو باسیقیچلر بیان ایتیلمه‌یدیگن وحشی‌گرلیک اوچون توغری جواب دیر”.
اوتگن کونی کابل بیلیم یورتیده اویوشتیریلگن هجوم نیچه ساعت دوام تاپدی کیم، نتیجه‌ده ۱۹ کیشی هلاک و ۴۰ کیشی یره‌لندی.
داعش گروهی اوشبو هجوم مسولیتی نی اوز بوینیگه آلگن، لیکن جمهور رئیس بیرینچی اورین باسری امرالله صالح اوشبو هجوم نی حقانی ترماغی گه نسبت بیرگن.
