پاکستان تامانیدن کراچی بندری‌ده افغانستان‌لیک سوداگرلر نینگ سوداگرلیک توارلری یوکلنگن ۳۰۰۰ کانتینری توخته‌گنی بیلن، افغانستان و پاکستان نینگ قوشمه صناعت و سوداگرلیک اتاقی مسئوللری نینگ سلام‌وطندار گه ایتیشلریچه، مذکور کانتینرلر نینگ توخته‌گنی، افغانستان‌لیک سوداگرلر گه کونده ۴۰۰ مینگ دالر زیان ییتیشتیره‌دی.
افغانستان و پاکستان نینگ قوشمه صناعت و سوداگرلیک اتاقی اجرایی باشلیغی نقیب‌الله صافی نینگ ایتیشیچه: «پاکستان نینگ سوداگرلیک اتاقی، کانتینرلر نینگ قوییب یوباریلیشی اوچون ینگی مکتوب صادر قیله‌میز دیگن ایدی، بیراق حاضرگچه بو ایش صورت تاپمه‌گن و کانتینرلریمیز توخته‌گن دیر. کونده بیزلر گه تاوان ییتیشه‌دی، انه شوو سبب کونده ۳۰۰۰ کانتینردن، ۴۰۰ مینگ دالر جریمه توله‌یمیز.»
بیزلرنینگ «ایکس» ترماغی ده هم تعقیب قیلینگ!
باشقه بیر تامان‌دن، کراچی بندری‌ده سوداگرلیک توارلری توخته‌گن افغانستان‌لیک سوداگرلردن قطاری نینگ ایتیشلریچه، کراچی بندری‌ده توارلری نینگ توخته‌گنی، اولر گه کوپینچه مالی زیان ییتیشتیرگن. کراچی بندری‌ده بیر آی‌دن بیری سوداگرلیک توارلری یوکلنگن ۳۰ کانتیری توخته‌گن افغانستان‌لیک سوداگرلردن زلمی نینگ ایتیشیچه، بو مدت‌ده برچه سرمایه‌سی نی قولدن بیرگن دیر.
مذکور افغانستان‌لیک سوداگر نینگ کوپه‌یتیریشیچه: «کونده کمیده ۱۳ یوز دالر جریمه بیره‌میز، بو مقدار نی اوزینگیز حساب‌له‌ینگ که بیر آی‌ده قنچه بوله‌دی. بیر سوداگر بو ایش بیلن برچه سرمایه‌سی نی قولدن بیره‌دی. پاکستان بیلن سوداگرلیک کوپ اعتبار‌سیز بولگن، باشقه هیچ سوداگر پاکستان بیلن تجارت قیلیش گه علاقه‌سی یوق.»
شونینگدیک افغانستان‌لیک سوداگردن باشقه بیری عبدالباقر نینگ ایتیشیچه: «کانتینرلرینگیز نینگ آزاد قیلیش اوچون سوز بیرگن ایدیلر؛ بیراق حاضرگچه نتیجه بیرمه‌گن. تیزلیککه بو قیین‌چیلیک نینگ حل بولیشی کیره‌ک؛ چونکه کون اوتیشی بیلن زیان کوپه‌یه‌دی.»
عین حالده، سوداگرلیک و صناعت وزیرلیگی مسئوللری نینگ ایتیشلریچه، پاکستان افغانستان‌لیک سوداگرلر نینگ توارلری یوکلنگن کانتینرلری آزاد بولیشی اوچون، بیللی بیر مکانیزم خصوصیده ایشلماقده که، افغانستان گه کانتینرلر نینگ تدریجی شکلده اوتیشی اوچون رخصت بیریلیشی ممکن.
بیزلرنینگ فیسبوک صحیفه‌میزگه باش اورینگ!
اوشبو وزیرلیک سوزلاوچیسی آخوندزاده عبدالسلام جواد نینگ سلام‌وطندار گه ایتیشیچه: «برچه کانتینرلر گه رخصت بیریلگنی صورت‌ده، قیین‌چیلیک یره‌تیله‌دی، انه شوو سبب، کونده اوچ یوز-تورت یوز کانتینر نینگ اوتیشی اوچون بیللی بیر مکانیزم خصوصیده ایشله‌یمیز، انه شوو سبب حاضرگچه حرکت قیلمه‌دیلر که یقین کون‌لرده اوشبو پروسه‌سی نینگ باشلنیشی ممکن.»
عین حالده، صناعت و سوداگرلیک وزیرلیگی سرپرستی نورالدین عزیزی، پاکستان گه قیلگن سفری‌ده اوشبو مملکت رسمی‌لری بیلن کراچی بندری‌دن افغانستان‌لیک سوداگرلر نینگ توارلری آزاد بولیشی اوچون کیلیشگن ایدیلر.
