باختر دولتی آژانسی نینگ گزارش بیریشیچه، مذکور کان کاپیسا ولایتی تگاب تومنی «والگی» منطقه‌سیده جایلشگن و قازیب چیقریش ایشی ایسه اوتگن کون «دوشنبه، ۹- جوزا» باشلنگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، کاپیسا حاکمی احسان‌الله بریالی نینگ ایتیشیچه، مذکور کان ۳۰ مینگ هیکتار ییرنی قمره‌ب آلگن و اوشبو کان نینگ قازیب چیقریش شرط نامه‌سی ۹ میلیارد افغانی خرجت کوتاریب افغانی بیر شرکت بیلن ۵ ییلگه قدر امضاء قیلنگن.
کاپیسا حاکمی نینگ کوپه‌یتیریشیچه، مذکور کان نینگ عملی ایشی باشله‌نیشی بیلن ۱۰۰ دن آرتیق کیشیگه ایش زمینه‌سی فراهم ایتیلگن.
شونده‌ی بیرحالده، بوندن آلدین اسلامی امارت معادن و پطرولیم وزیرلیگی، ننگرهار ولایتیده نفرایت تاش کانی نینگ قازیب چیقریش ایشی باشلنگنیدن خبر بیرگن ایدی.
معادن و پطرولیم وزیرلیگی مسئوللری معلوماتی اساسیده حاضر ننگرهار، کنر، پروان، میدان‌وردک و کاپیسا ولایتلریده نفرایت تاش کانی نینگ قازیب چیقریش ایشی نینگ جریانی بار.
بیزلرنینگ توییترده هم تعقیب قیلینگ!
نفرایت تاشی دنیاده قیمت بها تاشلر جمله‌سیدن حسابلنه‌دی، که اوندن گردن بند، سیرغه، و زینتی ایشلر گه ایش آلینه‌دی.
ایتیش کیره‌ک دیرکه افغانستان نفرایت تاشی کوپراق چین مملکتی‌گه صادر قیلینه‌دی.