کاپیسا محلی مسئوللری نینگ ایتیشلریچه، اوشبو ولایتده سوو تاشقینی عاقبتیده بیر عایله نینگ ایکی اعضاسی جان بیریب و باشقه اونلب یشش اوی و یوزلب ایکینچیلیک ییرلر بوزیلگن.
کاپیسا ایکینچیلیک، چارواچیلیک و سوغاریش باشلیغی روح‌الله روحانی نینگ سلام‌وطندار گه ایتیشیچه، اوتگن کیچه مذکور ولایت نینگ تگاب تومنی «ادیزایی، کاکو، شکوت، میراخیل، قلعه صالح و لنداخیل» قیشلاغ‌لریده سوو تاشقینی باعث، آته وباله شامل ایکی کیشی هلاک بولیب و باشقه اونلب یشش اوی بوزیلگن.
بیزلرنینگ فیسبوک صحیفه‌میزگه باش اورینگ!
شونینگدیک، اوشبو سوو تاشقین‌لری عاقبتیده اونلب چاروا تلف بولیب و یوزلب ایکینچیلیک ییر اورته دن کیتگن.
جناب روحانی نینگ کوپه‌یتیریشیچه، نجراب، اله‌سای و کوهبند تومن‌لریده سوو تاشقینی یوز بیرگن حتا کاپیسا مرکزی محمودراقی شهری گه زیان ییتکیزگن.
بیزلرنینگ توییترده هم تعقیب قیلینگ!
ایتیش کیره‌ک که، اوتگن هفته جریانیده تگاب، نجراب، اله‌سای و کاپیسا مرکزی نینگ ایریم بولیم‌لری دهشتلی سوو تاشقینی گواهی بولیب و یشاوچیلر گه آغیر مالی زیان ییتکیزگن.
