بوگون “چهارشنبه” قندهار یشاوچی‌لریدن بیرقطار اوشبو ولایت مرکزیده ناراض‌لیک نمایش یولگه قوییب اوروش تامان‌لریدن زوروانلیکلرنی یکونلنتیریش‌لرینی سوره‌گنلر.
اعراضچی‌لرنینگ ایتیش‌لریچه، بوندن باشقه اوروش‌نی تحمل قیله آلمه‌یدیلر و تیزلیککه اوروش‌نی یکونلنتیریلیشی کیره‌ک.
سلام‌وطندار اوزبیک بولیمی‌نی فیسبوک‌ده تعقیب قیلینگ
اولرنینگ ایتیش‌لریچه، هر کیچه قندهار شهریده اوروش بار و حاضرگه‌قدر ۷ مینگ عایله آواره بولگن و کونده کمیده ۱۰ تینچ اهالی هلاک و یره‌لنه‌دی.
اعتراضچی‌لرنینگ ایتیش‌لریچه، وضعیت یمان بولگنی سبب، اهالی ایش و اوی‌لرینی ترک قیلیب آواره بولگنلر.
اولر، حکومتدن اوشبو ولایت خوفسیزلیگی‌نی تامین‌لش اوچون جدی شکلده سعی و حرکت قیلیشی‌نی سوره‌گنلر.
اعتراضچی‌لردن بیری محمدهارون الماس، اوروش تامان‌لریدن آتیش‌کیسین قیلیش‌لرینی سوره‌گن و دواملی اوروش‌لر یشاوچی‌لرگه قرشی قیین‌چیلیک یرهتگن دیگن.
سلام‌وطندار اوزبیک بولیمی‌نی فیسبوک‌ده تعقیب قیلینگ
ایتیلیشیچه، کمیده ۳ هفته‌دن بویان قندهار مرکزی و باشقه بیرقطار تومن‌لریده امنیتی کوچلر و طالبان آره‌سیده آتیشمه‌نی دوامی بار و نتیجه‌ده کونده اونلرچه کیشی هلاک و یره‌لنه‌دی.
