کابل یشاوچیلریدن قطاری نینگ ایتیش‌لریچه، سونگی کون‌لرده برق نینگ نامنظم پرچوی‌سی کوپه‌یگن و اهالی قچان برق بارلیگی و قچان برق یوقلیگی نی بیلمه‌یدیلر.
کابل ده برشنا شرکتی مسئول‌لری نینگ ایتیش‌لریچه، ۵۰ فایز برق کملیگی بیلن روپه‌ره بولگن بیرحالده هم کابل‌ده برق آقیمی منظم دیر. اولر نینگ ایتیش‌لریچه، بعضی کون‌لر شونده‌ی بولگن که حتی ایکی کون‌گچه برق‌لری بولمه‌گن.
کابل یشاوچیلریدن جواد، رحیم و جمشید نینگ ایتیش‌لریچه:
«برقی‌میز یوق ایدی و بیز هم اویمیز‌گه سولری برق نصب قیلیش گه مجبور بولدیک.»
«برق کوپ نامنظم دیر قچان کیلیشی و قچان کیتیشی بیللی ایمس.»
« برق منظم ایمس، ۲۴ ساعت جریانیده یلغوز ۳ ساعت برقی‌میز بار. برق کیسیلیشی هم کوپه‌یگن.»
بیزلرنینگ فیسبوک صحیفه‌میزگه باش اورینگ!
برشنا شرکتی نینگ سابق مسئول‌لریدن بیری که کیم‌لیگی سرقالیش نی ایسته‌ب ایتیشیچه، برق کیسیلیشی نی اصلی دلیلی برق کملیگی، برق قوللنوچی‌لر نینگ ۳۰ فایز کوپه‌یگنی و جاری ییل‌ده باشقه ۷ ولایت‌گه برق بیریش و ایسیق قیلیش اوچون دولتی اداره‌لر نینگ قوللنیلیشی، دیگن.
اونگه کوره، برق کملیگی نینگ باشقه بیر دلیلی ایسه ارغنده جکشنی نینگ ایشی توخته‌گنی دیر که اونینگ ۹۰ فایز ایشی آلغه کیتگن ایدی؛ بیراق اسلامی امارت نینگ قدرت گه ایریشیشی بیلن اونینگ ایشی توخته‌گن.
شونده‌ی بیرحالده، برشنا شرکتی نینگ عملیاتی معینی محمداسلام کتوازی نینگ ایتیشیچه، برشنا ۵۰ فایز برق کملیگی گه روپه‌ره بولگنی و قیش موسمی ده برق قوللنیشی کوپه‌یگنی بیرحالده، کابل ده برق آقیمی منظم دیر.
اونینگ ایتیشیچه، کابل شهری ۶۵۰ الی ۷۰۰ میگاوات برق گه احتیاجی بار، بیراق وارداتی برق یلغوز ۳۳۰ میگاوات دیر.
کابل ده برشنا شرکتی عملیاتی معینی نینگ ایتیشیچه، ارغنده جکشنی نینگ ایشی تکمیل بولیشی بیلن کابل و قطار ولایت‌لر نینگ قیین‌چیلیگی نینگ حل بولیشی ممکن.
«بیزلر هرکون ۲۴ ساعته گزارش‌لر نی ایسته‌میز که بیر لین ۲۴ ساعت‌ده قنچه و قییرگه برق یتیشتیرگن و اگر برق جریانی ناعادلانه بولیب قناعتلی بولمه‌گن صورت‌ده، قیین‌چیلیک نی تیگیشلی مرجع بیلن جریان گه قویه‌میز و اولر قیین‌چیلیک دلیلی نی ایته‌دیلر و اگر بیر مشکل بولسه مجرم‌لر مجازات بوله‌دی.»
شونینگدیک برق نینگ ناعادلانه و نامنظم پرچوی‌لریدن اوتمیش ییل‌لرده هم تنقیدلر بار ایدی و اوتمیش‌لرده برشنا مسئول‌لری سوزلری گه عمل قیله‌آلمه‌گنلر.