خبرچیلردن قطارینینگ ایتیشلریچه، معلومات گه قول تاپه آلمسلیکلری سبب، ییتکرمهلرده تولید بولهدیگن خبرلر و گزارشلر صفتی قویی کیلگن.
شمشاد تلویزیون خبرچیسی شاهآغا ساداتنینگ ایتیشیچه، وزیرلیکلردن قطاری خبرچیلر گه معلومات شریک قیلمهیدی. اونینگ کوپهیتیریشیچه: «مدافعه وزیرلیگیگه پیغام قویهمن، جواب بیرمهیدی و شونینگدیک باشقه وزیرلیکلر هم جواب بیرمهیدی. جواب بیرگنلری صورتده هم ییترلی وقتیمیز یوق دیهدیلر. عالی محکمه و عدلیه وزیرلیگی هم تصویر تقیقلنگن دیهدیلر. قیینچیلیک بیلن روپهره بولگنمیز و خبر بیلن گزارشلریمیز شو رقم قالهدی و بیر طرفه گزارش یازیشگه مجبور بولهمیز.»
پیک آفتاب ییتکرمه خبرچیسی علیاکبر احمدینینگ ایتیشیچه، کوپینچه پیت خبرچیلر بیلن معلومات شریک بولمسلیگی سبب، گزارشلری نشردن قالهدی. «سوزلاوچیلر و خبرچیلر همکارلیک قیلمهیدیلر. بیر اداره گه تیگیشلی بولگن موضوعلر نیچه کون نشر بولمهی قالهدی یا-ده خبر صفتی قویی کیلهدی، چونکه تصویر و صوت اورنیده مجبور متندن فایدهلنهمیز که بو موضوع خبر نی کیچراق و صفتی قویی نشر بولیشیگه سبب بولهدی.»
بیزلرنینگ فیسبوک صحیفهمیزگه باش اورینگ!
شونینگدیک کابل دهگی خبرچیلردن قطاری معلومات و مدنیت وزیرلیگیدن خبرچیلر گه معلومات گه قول تاپیش زمینهسی یرهتیلیشینی ایستهگنلر.
تمدن تلویزیونی خبرچیسی السلامالدین بهنوشگه کوره: «توپلم شکلده معلومات گه قول تاپیش امکانیتی کمهیگن و اسلام امیرلیگیدن بو موضوعگه توجه قیلیشی و معلوماتنینگ تیزلیک بیلن خبرچیلر اختیاریگه قرار بیریلیشینی ایستهیمیز.»
شوندهی بیرحالده، معلومات و مدنیت وزیرلیگی مسئوللریگه کوره، خبرچیلرنینگ معلومات گه قول تاپیشی قیینچیلیگینینگ حل بولینیشی ممکن.
معلومات و مدنیت وزیرلیگی سوزلاوچیسی خبیب غفراننینگ ایتیشیچه: «معلومات و مدنیت وزیرلیگی سوزلاوچیلر بیلن هماهنگلیک ییغیلیشلرنی اوتکزگن و ییتکرمهلر شکایتلرینی حل قیلیش کمیسیون بار و شونینگدیک معلومات گه قول تاپیش بیر کمیسیون هم بار. همکارلیک قیلمهگن هر بیر اداره یا-ده معلومات گه قول تاپیش ضعیف بولسه، او قیینچیلیکلرینی حل قیلیشیمیز ممکن.»
بیزلرنینگ «ایکس» ترماغی ده هم تعقیب قیلینگ!
شوندهی بیرحالده، اسلام امیرلیگی سوزلاوچیسی ذبیحالله مجاهدنینگ ایتیشیچه، خبرچیلر ایشی آسایشتهلیگی اوچون معلومات گه قول تاپیش حقوقی توغریسیدهگی قانون بیراز تغییر بیلن اسلام امیرلیگیگه یوباریلیب و توشیحدن کیین عملگه آشیریلیشی ممکن.
جناب مجاهدنینگ کوپهیتیریشیچه: «قانوننینگ توشیح بولیشینی کوتیب تورگنمیز. سببی بو دیر که حکومتی قانون تصدیقلنیش اوچون تورلی بولیملر گه کیتگن و بیراز وقت آلگن. سوزلاوچیلرنی ییتکرمهلر بیلن همکارلیک قیلیشلری اوچون سعیوحرکت قیلهمیز.»
ایکی ییل آلدین معلومات و مدنیت وزیرلیگی چوکاتیده معلومات گه قول تایش کمیسیونی فعالیتگه باشلهگنی بیرحالده، بیراق بو کمیسیون هم خبرچیلر گه معلومات گه قول تایش حقینی تامین قیله آلمهگن.
