افغانستان ژورنالیست‌لر نهادلری و میدیالر فدراسیونی، مملکت بویلب خبرچی‌لر و میدیالر نینگ وضعیتیدن خواطر بیلدیریب ایتیشیچه، خبرچی‌لر و میدیالر بیلن قانون‌دن تشقری یولباریش و چیکلاو یره‌تیلیشی باعث، وضعیت کونسه‌یین آغیرلشماقده دیر.
مذکور نهاد بیر بیانیه ترقه‌تیب ایتیشیچه، سونگی بیر آی‌ده، مملکت بویلب خبرچی‌لر گه قرشی ۲۰ دن آرتیق زوروانلیک واقعه رویخط گه آلینگن و شونینگدیک نیچه میدیا ایشیگی یاپیلگن. بیانیه‌ده کیلیشیچه، بونگه علاوه، اسلامی امارت خلق‌ارا میدیالر نینگ افغانستان محلی ییتکیرمه‌لری آرقه‌لی نشر بوله‌دیگن دستورلرینی توخته‌تگن.
بیزلرنینگ فیسبوک صحیفه‌میزگه باش اورینگ!
افغانستان ژورنالیست‌لر نهادلری و میدیالر فدراسیونی اسلامی امارت‌دن، سابق بیرگن وعده‌لری اساسیده، افغانستان میدیالرینی قوللب قوتلب و اولر گه قولی‌لیک یره‌تیلیشینی طلب قیلگن. مذکور نهاد نینگ اورغولشیچه، بوتوغریده ایجابی اقدام بولمه‌گن حالده، وضعیت کونسه‌یین آغیرلشیب و مملکت بویلب بوتون میدیالر نینگ فعالیتی توخته‌شی ممکن.
بو عین‌حالده، بوگون قندهارده «ملت غږ» محلی رادیو مسئول‌لری، اسلامی امارت استخبارات کوچلری اوشبو رادیو دفتری گه باستیریب کیریب و اوچ ایشلاوچیسینی قولگه آلگنیدن خبر بیردی.
انه شوحالده، قندهار محلی میدیالر متصدی‌لری نینگ ایتیشلریچه، اوتگن کونی مذکور ولایت استخبارات اداره‌سی اولرنی چقیریب و نشرات‌لری باره‌سیده کورستمه بیرگن ایدی. اولر گه کوره، اسلامی امارت استخباراتی رسانه‌لرده موسیقه نشر بولمسلیگینی سوره‌ب، عمل قیلمه‌گنلر بیلن جدی یولباریلیشینی بیلدیرگن.
باشقه تاماندن، بی‌بی‌سی خلق‌ارا تلویزیونی اوتگن کونی، اسلامی امارت افغانستان نینگ محلی تلویزیون‌لری گه، خلق‌ارا میدیالر جمله‌دن بی‌بی‌سی تلویزیونی نینگ دستورلرینی نشر قیلمسلیک بویروغینی بیرگنیدن خبر بیردی. بی‌بی‌سی گه کوره، اسلامی امارت نینگ اوشبو بویروغی‌دن کیین، افغانستان میدیالری، پشتو، فارسچه و اوزبیکچه تلویزیون دستورلرینی کیسگن.
بیزلرنینگ توییترده هم تعقیب قیلینگ!
اوشبو چیکلاولردن کیین، معلومات و مدنیت وزیرلیگی نینگ میدیالر نشراتینی نظارت ایتیش مسئولی عبدالحق حماد نینگ سلام‌وطندار گه ایتیشیچه، میدیالر تامانیدن اسلام و افغانی کلتور رعایت ایتیلمسلیگی باعث بو چیکلاو یره‌تیلگن. اونگه کوره، اسلامی امارت خلق‌ارا میدیالر نینگ دستورلری محتواسی بیلن مشکلی یوق، لیکن تلویزیونی دستورلرده اسلام و افغانی کلتور رعایت ایتیلیشی کیره‌ک.
