جوزجان معارف مسئوللری نینگ ایتیش‌لریچه، جاری قویاش ییلده تایلند مملکتی‌ده بیر رقابت آنلاین شکلده یولگه قوییلدی که ۴۳دن آرتیق مملکت‌‌دن مینگ‌لرچه اوقووچی مذکور رقابت گه شرکت قیلگن ایدیلر.
جوزجان معارف رئیسی محمدطاهر جواد نینگ ایتیشیچه، اوشبو رقابت گه شرکت قیلگن اوقووچیلری ریاضی بولیمیده ۲ آلتین مدال، ۱ کومیش و ۱۴ برونزه قولگه کیلیتیرگنلر.
بیزلرنینگ فیسبوک صحیفه‌میزگه باش اورینگ!
جوزجان معارف رئیسی گه کوره، بو کبی رقابت‌لر نی یولگه قوییش بیلن اوقووچیلر نینگ تشویق بولیشی گه علاوه، شونینگدیک افغانستان نامی اوچون بویوک بیر افتخار دیر.
آلتین مدال کسب قیلگن ترکیه معارف بنیادی نینگ ییگیت‌لر مکتبی اوقووچیلریدن بیری احمد مبین نینگ ایتیشیچه، مذکور رقابت تایلندده آنلاین شکلده یولگه قوییلگن ایدی و اوقووچیلر هم افغانستان نامی گه افتخار کسب قیلیب، اوز استعداد و قابلیت‌لری نی نمایش گه قوییش اوچون مذکور رقابت گه شرکت قیلگنلر.
اونینگ کوپه‌یتیریشیچه، بو اولر نینگ ایشلری نی باشلنیشی یا-ده آخری ایمس بلکیم بو توغریده، کوپراق افتخار کسب قیلیب و یوتوقلر گه صاحب بولیش‌لری اوچون علمی بولیم‌لرده بویوک ساینسی مرکزلر نینگ قوریلیشی نی ایسته‌یدیلر.
جوزجان ولایتی مقامی نینگ سرپرستی استاد محمد مجاهد نینگ ایتیشیچه، مذکور یوتوقلر برچه‌میز گه تیگیشلی دیر و اوقووچیلر نینگ استعداد و قابلیت‌لری نی کوپه‌یشی اوچون بو کبی رقابت‌لر نینگ کوپه‌یب و یولگه قوییلیشی کیره‌ک.
جوزجان ولایتی مقام نینگ سرپرستی گه کوره، افغانستان ده استعداد‌لی کیشی سانی کوپ دیر، اولر گه فرصت فراهم بولگن صورت‌ده، علم و دانش‌لری بیلن دنیا گه چلنج بیریش‌لری ممکن.
بیزلرنینگ توییترده هم تعقیب قیلینگ!
شونده‌ی بیرحالده، جوزجان ترکیه معارف بنیادی نینگ سرپرستی عبدالمنان خلیل نینگ ایتیشیچه، ترکیه معارف بنیادی نینگ ییگیت‌لر مکتبی اوقووچیلری اوشبو علمی رقابت‌ده آلتین، کومیش و برونزه مدال‌لری نی کسب قیلیشلری بیلن افغانستان نامی گه بویوک شرف کسب قیلگنلر.
جناب خلیل گه کوره، ترکیه معارف بنیادی نینگ اوقووچیلری شونینگدیک باشقه بولیم‌لرده هم تیارلر و رقابت‌لر یولگه قوییلگن صورت‌ده، افغانستان نامی گه بویوک یوتوقلر نینگ قولگه کیلتیریش‌لری ممکن.
ایتیش کیره‌ک که، شونینگدیک بوندن آلدین هم جوزجان ولایتیده خصوصی بیر مکتب اوقووچیلری، ۲۰۲۱-ییلده تایلندده یولگه قوییلگن المپیاد رقابت‌لریده ۱۱ مدال قولگه کیلتیرگن ایدیلر.
