جوزجان ساغلیق نی سقلش مسئوللری نینگ ایتیش‌لریچه، اهالی نینگ خبردار بولگنی و ساغلیق نی سقلش تشکیلات‌لر نینگ همکارلیگی نتیجه‌سیده، اوشبو ولایت‌ده کولرا کسل‌لیگی گه چلینگنلر سانی کمه‌یگن.
جوزجان ساغلیق نی سقلش ریاست رئیسی عبدالغنی صمیم نینگ ایتیشیچه، اهالی آره‌سیده کولرا کسل‌لیگی نینگ کوپه‌یگنی چاغده، اوشبو ولایت مرکزی و تومن‌لریده آگاه‌لنتیریش کمپاینی نی یولگه قوییگنلر.
بیزلرنینگ توییترده هم تعقیب قیلینگ!
جوزجان ساغلیق نی سقلش ریاست رئیسی گه کوره، مذکور کمپاین‌ده ساغلیق نی سقلش خادم‌لری کولرا نینگ خطرلری و اوشبو کسل‌لیکدن توسیق بولیش یوللری خصوصیده اهالی نی آگاه‌لنتیرگنلر.
جوزجان ساغلیق نی سقلش سرویلانس مسئولی داکتر خالص قادری نینگ ایتیشیچه، اوشبو ولایت‌ده یولگه قوییلگن کمپاین، ساغلیق نی سقلش تشکیلات‌لر و اهالی نینگ یاردم‌لری اوشبو کسل‌لیک خصوصیده فایده‌لی بولگن.
جناب قادری گه کوره، مذکور ایشلر یولگه قوییلمه‌گنی صورت‌ده، اوشبو کسل‌لیک نینگ باشقه تومن‌لر گه اوتیب و کوپه‌یشی ممکن ایدی.
باشقه بیر تاماندن، جوزجان ولایتی آقچه تومنی نینگ ۵۰ یاتاقلی کسل‌خانه رئیسی عبدالقیوم رسولی نینگ ایتیشیچه، مذکور تومن‌ده کولرا گه چلینگن کسل‌لر نینگ رقمی نظیری کوریلمه‌گن درجه‌ده کمه‌یگن دیر.
بیزلرنینگ فیسبوک صحیفه‌میزگه باش اورینگ!
جوزجان ولایتی آقچه تومنی نینگ ۵۰ یاتاقلی کسل‌خانه رئیسی گه کوره، اوشبو تومن‌ده کولرا کسل‌لیگی نینگ کوپه‌یشی بیلن بیر کیچه و کوندوز‌ده کسل‌لر نینگ مراجعت سانی ۷۰ گه یییتیشگن ایدی که، حاضر ایسه اوشبو رقم بیر کیچه و کوندوز‌ده ۲ کیشی گه ییتیشگن.
جوزجان ساغلیق نی سقلش مسئوللری نینگ بیاناتی اساسیده، کولرا کسل‌لیگی نینگ کوپه‌یشی بیلن ۶۹۵۰ کیشی اوشبو کسل‌لیککه چلینگن ایدیلر که، اولردن ۲۶۴۴ ته‌سی جدی مراقبت‌لر آسیده قرار تاپیب و باشقه ۱۲ ته‌سی ایسه کسل‌خانه ییتیشه‌آلمه‌گنی سبب، جان بیرگن.
