جوزجان خوفسیزلیک مسئوللری نینگ ایتیشلریچه، یولگه قوییلگن مخصوص عملیات ده جوزجان_اندخوی قتناو یولیده قوراللی اوغری‌لر و قراقچیلر نینگ خوفلی بیر گروهی قولگه آلینگن.
جوزجان امنیتی مسئوللری نینگ ایتیشلریچه، مذکور گروه نینگ شبرغان شهری و قطار تومن‌لریده تروریستیک هجوم‌لرینی اویوشتیریش مقصدیده ایجاد ایتگن نیچه مرکزینی یوق ایتگنلر.
جوزجان امنیه قوماندان‌لیگی داملا سراج‌الدین احمدی نینگ ایتیشیچه، اسلامی امارت کوچلری ریجه‌لنتیریلگن بیر عملیات ده جوزجان_اندخوی قتناو یولیده قوراللی اوغری‌لر و قراقچیلر نینگ خوفلی بیر گروهینی قولگه آلگنلر.
بیزلرنینگ فیسبوک صحیفه‌میزگه باش اورینگ!
جوزجان امنیه قوماندان‌لیگی گه کوره، اوشبو کیشی‌لر نینگ آلدیدن اوچ میل قورال، ایکی موتر و ایکی موتر سایکل قولگه کیلگن.
جناب احمدی نینگ کوپه‌یتیریشیچه، مذکور کیشی‌لر دستلبکی تدقیقات ده اوز گناه‌لرینی قبول قیلیشگن، اولر نینگ دوسیه‌لری بوگون جوزجان عدلی و قضایی اداره‌لر گه یوباریلیشی ممکن.
جوزجان جنایی جرم‌لر مدیری مولوی غلام رسول احمدی گه کوره، خوفلی تروریستیک هجوم‌لر گه قولی بولگن اوشبو گروه، اسلامی امارت کوچلری نینگ سعی و حرکتی و اهالی نینگ یاردمی بیلن قولگه آلینگنلر.
بیزلرنینگ توییترده هم تعقیب قیلینگ!
جوزجان یشاوچیلریدن قطاری، قتل، اختطاف، قوراللی اوغری‌لیک و اهالی دن باج آلیش ده قولی بولگن آلتی کیشی‌لیک خطرناک گروه قولگه آلینیشینی خوش قرشی‌لب و اسلامی امارت کوچلری بیلن همکار بولیش لریدن ایشانچ بیلدیره‌دیلر.
جوزجان اهالیسی گه کوره، بو گَل ایشلر مذکور ولایت بویلب جنایی جرم‌لر و خوفسیزلیک واقعه‌لر کمه‌یشی اوستیگه ایجابی تاثیر قیله‌دی.
