بیرینچی مراتبه جوزجان ولایتی آقچه تومنیده قالین پروسس قیلیش بیر مرکز نینگ تمل تاشی قوییلدی.
اوشبو پروژه نی عملگه آشیریش اوچون مسئول بولگن عابد افغان شرکت باشلیغی ذبیح‌الله زاهد نینگ ایتیشیچه، «یونسیار» مؤسسه‌سی تامانیدن خرجتی توللنگن قالین‌نی پروسس قیلیش مذکور مرکز، ایکی مینگ متر مربع ییرده زمانه‌وی و اساسی شکلده بیر قوت ده آلتی آی ایچیده قوریله‌دی. اوشبو مرکز ۱۵۰ مینگ امریکالیک دالر خرجت کوتریشی تخمین ایتیلگن.
جناب زاهد گه کوره، مذکور پروژه ایشی باشلنگن حالده، ۱۲۰۰ کیشی ایش بیلن تأمینلنه‌دی. اونگه کوره: «سابق برچه خام ماده پاکستان و ایران گه صادر بولر ایدی و اولر قالین توزه‌تیب و اوز آتلریده خارج گه صادر قیلیشردی، حاضر اوشبو مرکز قوریلماقده و تخمیناً ۱۲۰۰ کیشی ایش بیلن تأمینلنه‌دی.»
بیزلرنینگ فیسبوک صحیفه‌میزگه باش اورینگ!
جوزجان حاکمی محمداسماعیل راسخ نینگ ایتیشیچه، اوشبو مرکز ایشی یکونیدن کیین، شمالی ولایت‌لر اینیقسه جوزجان ولایتی آقچه تومنیده ایشلب چیقریلگن قالین‌لر یوویلیب، قیچی و پروسس بولیب و کیین ایسه خارج مملکت‌لر گه صادر ایتیله‌دی.
جوزجان حاکمی گه کوره، آقچه تومنی ایچکی و خارج ده قالین صناعتی بیلن تانیلگن و بو مرکز قوریلیشی شمالی ولایت‌لر یشاوچیلری اوچون جوده مهم دیر.
محمداسماعیل نینگ ایتیشیچه: «اوشبو مرکز قوریلیشی بیلن قالین شوییرده بسته‌بندلیک، قیچی و پروسس بوله‌دی، شو ییردن چیت ایل گه صادر ایتیله‌دی، افغانستان خلقی اوچون بو یخشی بیر خبر دیر.»
جوزجان ولایتی آقچه تومنی نورآباد مهاجرلر شهرکی یشاوچیلریدن بیرقطاری، مذکور شهرک ده قالین پروسس قیلیش اوشبو مرکز قوریلیشینی مهم دیب ایتیشلریچه، بو مرکز قوریلیشی بیلن افغانستان قالینی، پاکستان آتیده چیت ایل مملکت‌لر گه صادر بولمه‌یدی.
جوزجان ولایتی آقچه تومنی مهاجرلر شهرکی ترقیاتی شورا باشلیغی محمدالله نینگ ایتیشیچه، هر ییلی مینگلب متر مربع قالین پاکستان ده پروسس بولیب و افغانی قالین آتیده دنیا بازارلری گه صادر ایتیله‌دی، بیراق اوشبو پروژه ایشی یکونی بیلن افغانی قالین‌لر بوتونلی افغانستان آتیده خارج مملکت‌لر گه صادر ایتیله‌دی.
بیزلرنینگ توییترده هم تعقیب قیلینگ!
محمدالله گه کوره: «بیز گه یوز فایز قولی بوله‌دی، ایشلب چیقریلگن قالین‌لر شوییرده یوویلیب، قیچی و پروسس بوله‌دی، شوییردن خارج مملکت‌لر گه صادر ایتیلیش اوچون تیارلنه‌دی، اهالی ایسه اوندن فایده لنه‌دی.»
جوزجان ولایتی آقچه تومنیده قالین سوداگرلریدن قطاری نینگ ایتیشلریچه، افغانی قالین یخشی صفت گه ایگه بولسه ده، لیکن یخشی بازاری یوق دیر.
سوداگرلر گه کوره، اوشبو تومنده چوب رنگ سنتی قالین‌لر، فیل پای، آلمه‌گل و باشقه تورلی خیل قالین‌لر ایشلب چیقریله‌دی.
