کلته‌شاخ زراعتی سوو کانالی، ناروی نینگ مالی یاردمی و اکتید دفتری تامانیدن قیشلاق‌لرنی اوستیریش چارچوبه‌سیده ۵ میلیون ۲۰۰ مینگ افغانی خرجتی بیلن جوزجان ولایتی نینگ آقچه تومنیده قوریله‌دی.
اوشبو کانال ۸۴ مینگ ایکینچیلیک ییرنی سوغاریب و ۸ مینگ عایله مستقیم طرزده اوندن فایده‌لنه دیلر.
جوزجان ده اکتید دفتری نینگ ولایتی باشلیغی امان‌الله امین گه کوره، ۱۵۳ متر اوزون‌لیگی بولگن مذکور کانال پخته و زمانوی شکلده قوریله‌دی.
بیزلرنینگ فیسبوک صحیفه‌میزگه باش اورینگ!
اکتید دفتری ولایتی باشلیغی نینگ کوپه‌یتیریشیچه، اوشبو پروژه ایشی یکونلنیشی بیلن سوو باشقریلیب و ایکینچیلیک اوستیگه مثبت تاثیر قیله‌دی.
جوزجان ولایتی آقچه تومنی اولسوالی مولوی غلام‌الله حیدری، اوشبو تومن یشاوچیلری نینگ تیریکچیلیک وضعیتی و ایکینچیلیک ترقیاتی خصوصیده ایجابی بهاله‌یدی.
جناب حیدری گه کوره، مرکز و تومن‌لرده کوپ پول بیلن قوریله‌دیگن ترقیاتی و آست قورمه پروژه‌لرنی قوریقلش، محل یشاوچیلری نینگ ایشی دیر.
جوزجان ولایتی دریایی حوزه ریاستی نینگ ساحوی انجنیری صدرالدین جمالی نینگ ایتیشیچه، ایکینیچلیک و چارواچیلیک بیلن مصروف آقچه تومنی یشاوچیلری اوچون اوشبو پروژه عملگه آشیریلیشی جُدا هم اونملی دیر.
بیزلرنینگ توییترده هم تعقیب قیلینگ!
اونگه کوره، اوشبو پروژه ایشی باشلنیشیدن آلدین محل یشاوچیلری ایریم قیینچیلیکلر بیلن روپه‌ره ایدیلر که ایشی بیتیشی بیلن قولی‌لیکلرگه قول تاپیش‌لری ممکن.
جوزجان ولایتی آقچه تومنی یشاوچیلری، ایکینیچلیک و اهالی نینگ اقتصادی یخشی‌لنیشی اوچون، بو گَل پروژه‌لر عملگه آشیریلیشینی ایجابی بیله‌دیلر.
