معارف بولیمیده یونیسف نینگ شمال زونیده‌گی مسئولی احمدشاه عزیزیار نینگ ایتیشیچه، جوزجان ولایتی بویلب سونگی واقعه‌لر طفیلی بوزیلگن ۱۰۰ مکتب‌نی تعمیرلش اوچون سعی و حرکت قیلماقده‌لر.
جناب عزیزیار نینگ کوپه‌یتیریشیچه، یونیسف اکتید دفتری یاردمی بیلن تعمیرلش ایشلرنی باشله‌یدی که هر بیر مکتب‌نی تعمیرلش اوچون ۳ مینگ امریکالیک دالر نظرگه توتیلگن.
بیزلرنینگ فیسبوک صحیفه‌میزگه باش اورینگ!
جوزجان معارف باشلیغی مولوی محمدطاهر جواد، معارف ساحه‌سیده یونیسف نینگ دایمی یاردم‌لریدن منتدارلیک بیلدیریب، اولردن معارف نی اوتمیش گه نسبتن قوللب_قوتلشینی طلب قیلدی.
معارف باشلیغی نینگ کوپه‌یتیریشیچه، اوشبو ولایت نینگ مرکزی شبرغان شهری و تومن‌لریده‌گی مکتب‌لرده ییچیم‌لیک سوو قیینچیلیگی، میز و چوکی آزلیگی، مکتب‌لر نینگ اساسی قیینچیلیکلریدن دیر که، یونیسف دفتری بوتوغریده معارف گه یاردم بیریشی کیره‌ک.
بیزلرنینگ توییترده هم تعقیب قیلینگ!
شونینگدیک جوزجان معارف باشلیغی، یونیسف مسئوللری گه کامل ایشانچ بیلن برنامه‌لرینی عملگه آشیریب و جوزجان معارف ریاستی بوتوغریده اولر گه همکارلیک قیلیشیدن ایشانچ بیلدیردی.
