امر معروف و نهی منکر وزیرلیگی مسئوللری، بوگون (دوشنبه، ۱۳ اسد)، «دولت نینگ ملت گه حساب بیریش» دستوری ده ایتیشلریچه، اوتگن بیر ییل ده اوشبو وزیرلیک ده ۱۰ مینگ دن آرتیق شکایت ثبت ایتیلگن.
اوتگن بیر ییل ده، مذکور وزیرلیک تامانیدن عیاللر گه قرشی یره‌تیلگن چیکلاولر اینیقسه عیاللر نینگ دم آلیش پارک‌لر گه باره آلمسلیگی و عیاللر نینگ «گوزه‌للیک سالون‌لری» یاپیلیشی، ایریم مناسبت‌لر بیلن روپه‌ره بولگن.
بیزلرنینگ فیسبوک صحیفه‌میزگه باش اورینگ!
اوتگن بیر ییل ده، امر معروف و نهی منکر وزیرلیگی اینیقسه اوشبو وزیرلیک محتسب‌لری نینگ ایشی گه دایر، ۱۰ مینگ ۷۸۵ ته شکایت مذکور وزیرلیک ده ثبت ایتیلگن.
امر معروف و نهی منکر وزیرلیگی سوزلاوچیسی محمدصادق عاکف مهاجر نینگ ایتیشیچه: «مرکز و ولایت‌لردن ۱۰ مینگ ۷۸۵ ته شکایت ثبت بولگن، اوشبو شکایت‌لردن ییتتی مینگ ۹۱۵ ته‌سی تیکشیریلگن و بیرمینگ ۶۶۹ ته‌سی تیکشیریلماقده دیر.»
سرپرست حکومت امرمعروف و نهی منکر وزیرلیگی سوزلاوچیسی نینگ کوپه‌یتیریشیچه، اوشبو وزیرلیک اوتگن بیر ییل ده دولت اداره‌لرینی نظارت قیلیش ده قانونی یاشنی تولدیرمه‌گن ۵۷۰ ایشلاوچینی وظیفه دن بوشه‌تیب و دینی مدرسه‌لر گه تانیشتیرگنلر.
بیزلرنینگ توییترده هم تعقیب قیلینگ!
اونگه کوره: «نظامی معینیتی‌میز تامانیدن قانونی یاشنی تولدیرمه‌گن ۵۷۰ ایشلاوچی انیقله‌نیب و دینی مدرسه‌لر گه تانیشتیریلگن، تعلیم دن کیین نیاز بولگن حالده، قیته دن استخدام بوله‌دیلر.»
برچه‌سی بیلن، امر معروف و نهی منکر وزیرلیگی مسئوللری نینگ ایتیشلریچه، مذکور وزیرلیک تامانیدن عیاللر گه یره‌تیلگن چیکلاولر بیکار قیلینیشی اوچون هیچ قنده‌ی برنامه‌لری یوق دیر.
