بیرلشگن ملت‌لر تشکیلاتی نینگ دهقانچیلیک و آزیق_آوقت تشکیلاتی، افغانستان نینگ قیشلاق‌لریده‌گی کمبغل و محتاج یشاوچیلری گه ۱۵۰ میلیون دالر یاردم کورسه‌تیلیشیدن خبر بیرگن. مذکور تشکیلات نینگ ایتیشیچه، اوشبو پروژه دن مقصد، قیشلاق‌لر بویلب آزیق_آوقت تولیدی کوچه‌یشی و ییری کم دهقان‌لر نینگ تیریکچیلیک شرایطینی اوزگرتیریش دیر.
اوشبو پروژه، افغانستان نینگ قیشلاق‌لریده‌گی یشاوچیلری گه دنیا بانکی نینگ ۱۹۵ میلیون دالر یاردم بسته‌سی بیر بولیمی دیر که دستلبکی باسقیچ ده، ۱۵۰ میلیون دالر دهقانچیلیک و آزیق_آوقت تشکیلاتی گه بیریله‌دی و قالگن ۴۵ میلیون دالری کیله‌سی ایکی ییل ده توللنیلیشی کوتیله‌دی.
بیزلرنینگ فیسبوک صحیفه‌میزگه باش اورینگ!
دهقانچیلیک و آزیق_آوقت تشکیلاتی بیر گزارش ترقه‌تیب ایتیشیچه، خلق‌ارا آزیق_آوقت دستوری و باشقه غیر دولتی تشکیلات‌لر نینگ گزارشی گه بناً، قریب ۱۹.۷ میلیون کیشی که افغانستان نینگ یریم جمعیتی دیر، حاد آچلیگی بیلن روپه‌ره بولیب و کونده‌‌لیک آوقت‌لرینی تأمینله‌ی آلمه‌یدی.
اوشبو تشکیلات نینگ کوپه‌یتیریشیچه، افغانستان بویلب قورغاقچیلیک و اقتصادی انقراض آزیق_آوقت اوستیگه سلبی تاثیر قیلگن. عین‌حالده، اوکراین ده‌گی اوروش آزیق_آوقت ماده‌لری قیمتی و شونینگدیک دهقان‌لر نینگ خرجتی اینیقسه کود نرخی اوستیگه سلبی تاثیر قیلیشی ممکن.
گزارش گه بناً، افغانستان گه بوغدای وارد قیله‌دیگن مملکت‌لر، صادرات‌لرینی محدود قیلیب و ایچکی مصرف‌لرینی اوستون قرار بیره‌دیلر.
گزارش اساسیده، دنیا بانکی تخمیناً ۲.۱ میلیون تُن بوغدای تولیدی، اوستیگه دقت قیلیشی ممکن.
اوشبو پروژه ده باله‌لر نینگ تویب آوقتلنیشی، ناگران و ناعلاج بیمارلرگه چلینگن‌لرنی قوللب قوتلش شامل دیر. شونینگدیک قیشلاق ده‌گی ۱۵۰ مینگ عیال، ایکینچیلیک و یخشی آوقتلنیش بولیمیده تعلیم کوریش‌لری کوتیله‌دی.
بیزلرنینگ توییترده هم تعقیب قیلینگ!
مذکور پروژه نینگ ایکینچی بولیمی، سوغاریش تیزیمینی تعمیرلش، سوونی باشقریش و ایکینچیلیک ییرلر صفتینی آشیریش گه عاید دیر که ۱۳۷ مینگ هکتار ییرنینگ سوغاریش تیزیمینی تعمیرلش برنامه ده، ۱.۹ میلیون کیشی گه نقد پول اورنیده ایش شرایطی یره‌تیله‌دی.
دنیا بانکی اوشبو ییل نینگ ۱۳ جوزا ده ۷۹۳ میلیون دالرلیک اوچ پروژه‌نی تصویب قیلدی. مذکور بانک بیر بیانیه ترقه‌تیب ایتیشیچه، بو پروژه‌لر اسلامی امارت حکومتی کنترولی دن اوزاق، بیرلشگن ملت‌لر تشکیلاتی و غیر دولتی تشکیلات‌لر تامانیدن عملی بولیشی ممکن.