صناعت و سوداگرلیک وزیرلیگی نینگ ایتیشیچه، اسلام امیرلیگی رهبریتی افغانستان آرقه‌لی تورکمنستان نینگ گاز و نفتی پاکستان گه انتقال بیریش کیلیشووینی تصدیقله‌گن.
مذکور وزیرلیک سوزلاوچیسی عبدالسلام جواد نینگ سلام‌وطندار گه ایتیشیچه، اوشبو ریجه اساسیده تورکمنستان گازی و نفتی سیناو شکلده آلتی آی گچه پاکستان گه انتقال بیریله‌دی و افغانستان نینگ منفعتی باره‌سیده هم اویلنگن و کیین ایسه دایمی بولیشی اوچون قرار قیلینه‌دی.
بیزلرنینگ فیسبوک صحیفه‌میزگه باش اورینگ!
گرچند، سرپرست حکومت نینگ صناعت و سوداگرلیگ وزیرلیگی سوزلاوچیسی، افغانستان دن گاز اوتیشی درآمدی انیق رقمی باره‌سیده ایضاح کیریتمسه ده، بیراق افغانستان آرقه‌لی تورکمنستان نینگ نفت و گازی پاکستان گه انتقال بیریلیشی، ملی درآمد و ترانسپورت سکتوری اوستیده تأثیر قیلیب و نهایت یشاوچیلردن قطاری ایش بیلن تأمینلنیشینی ایتگن.
صناعت و سوداگرلیک وزیرلیگی سوزلاوچیسی عبدالسلام جواد نینگ ایتیشیچه، اوشبو ترانزیت افغانستان ترانسپورتی سیستمی تامانیدن عملی بوله‌دی.
اونگه کوره: «بیز سیناو باسقیچیده، بازار اوستیده سلبی تأثیری بولمسلیگینی، قنچه‌لیک انتقال گه توانیمیز بارلیگینی تیکشیره‌میز، توانیمیز بولگن ده دایمی قیله‌میز.»
افغانستان نینگ منتظم ترانسپورتی تیزیمی یوق و بونگه علاوه افغانستان نینگ قتناو یوللری بوزوق‌لیگی اینیقسه قیش موسومی ایریم قیینچیلیک‌لر گه سبب بولسه ده، اسلام امیرلیگی افغانستان آرقه‌لی تورکمنستان نینگ گاز و نفتی پاکستان گه انتقال بیریلیشیدن خبر بیرگن.
بیزلرنینگ توییترده هم تعقیب قیلینگ!
اقتصادی ایش بیلرمان عبدالنصیر رشتیا گه کوره، حکومت تامانیدن اوشبو قیینچیلیک‌لر حل ایتیلگن تقدیرده، افغانستان آرقه‌لی قوشنی مملکت‌لر نینگ سوداگرلیک ترانزیتی توارلرینی باشقه مملکت‌لر گه انتقال بیریش ممکن.
او نینگ کوپه‌یتیریشیچه: «حاضرگی کونده حکومت نینگ کیچیک پروژه‌لرنی باشلش توانی و پولی هم بار، قوشنی اولکه‌لر بیلن همکارلیک کوچه‌یتیریلگن تقدیرده، تیمیر یولی پروژه‌سینی تیزلشتیریش کیره‌ک، تیمیر یولی قوریلیشی افغانستان منفعتی گه دیر.»
برچه‌سی بیلن، سلام‌وطندار بیلن صحبت اوتکزگن صناعت و سوداگرلیک وزیرلیگی، افغانستان آرقه‌لی پاکستان و هندوستان نینگ ترانزیتی توارلری اورته آسیا گه انتقال بیریلیشیدن خبر بیریب ایتیشیچه، حاضرگی کونده افغانستان آرقه‌لی اوشبو سوداگرلیک ترانزیتی توارلر انتقال بیریلماقده.
