اوشبو هفته قندهار ده وزیرلر کینگشی نینگ ایکی کون‌لیک ییغیلیشی ده، اسلام امیرلیگی رهبری دنیا بویلب اولکه‌لر اینیقسه منطقه مملکت‌لر بیلن همکارلیک و علاقه قوریش اوچون تشقی سیاست ریجه‌سی نهایی بولیش اوستیگه تاکید ایتگن.
اسلام امیرلیگی سوزلاوچیسی ذبیح‌الله مجاهد نینگ ایتیشیچه، اوشبو حکومت نینگ تشقی سیاست ریجه‌لری اوستیگه ایش آلیب باریلماقده و سونگی کون‌لرده اسلام امیرلیگی باش وزیری نینگ سیاسی اورین باسری مولوی عبدالکبیر نینگ کسل بولیشی طفیلی کیینگه قالگن و حاضر تشقی ایشلر وزیرلیگی نینگ سرپرستی امیرخان متقی نظارتی بیلن قیته دن ایشلری باشلنگن.
بیزلرنینگ فیسبوک صحیفه‌میزگه باش اورینگ!
اسلام امیرلیگی سوزلاوچیسی بوتوغریده ایضاح کیریتمسه ده اما ایتیشیچه: «تشقی و ایچکی ترتیب نهایی بولیشی کیره‌ک ایدی، آلدین ایشلری باشلنگندی و مولوی عبدالکبیر کسل بولدی ایشی توخته‌دی، حاضر تشقی ایشلر وزیری نینگ نظارتی بیلن باشلنگن.»
سرپرست حکومت تشقی سیاستی خصوصیده حاضرگچه ییتکیرمه‌لر و یشاوچیلر گه آیدین‌لیک کیریتمه‌گن بیر حالده، اسلام امیرلیگی تشقی سیاستی ترتیبی و ریجه‌لری اوستیگه ایش آلیب باریله‌یاتگنیدن خبر بیره‌دی.
سیاسی ایش بیلرمان‌لر نینگ ایشانچی گه کوره، تشقی سیاست‌سیزلیک مملکت نی قیینچیلیککه دوچ قیله‌دی، افغانستان نینگ خلق‌ارا جمعیت بیر بولیمی اوله‌راق دنیا گه یقینلشتیریش اوچون تشقی سیاست بولیشی جدی نیاز دیر.
سیاسی ایش بیلرمان عزیز معارج نینگ سلام‌وطندار گه ایتیشیچه: «مملکت نینگ ملی منفعتی و ارزش‌لری اساسیده سیاست و پلان توزه‌لیشی کیره‌ک، دنیا بویلب تشقی سیاست توزه‌لیشی اوچون افغانستان‌لیک مسلکی کیشی‌لر دن قوللنیش لازم.»
بیزلرنینگ «ایکس» ترماغی ده هم تعقیب قیلینگ!
شونینگدیک، سیاسی ایش بیلرمان‌لردن باشقه بیری محمود اضطرابی، اسلام امیرلیگی اقتصادی قیینچیلیک‌لرنی نظر گه آلیب تشقی سیاستی پلان‌لرینی توزه‌تیشی اوستیگه تاکید ایته‌دی.
او نینگ کوپه‌یتیریشیچه: «اسلام امیرلیگی دنیا اینیقسه قوشنی مملکت‌لر بیلن اقتصادی مناسبت‌لرینی کوچه‌یتیریشی کیره‌ک، چونکه افغانستان نینگ اقتصادی قیینچیلیگی بار، شونی اوچون اسلام امیرلیگی دستلب اولکه‌لر بیلن اقتصادی مناسبتینی برقرار قیلیشی کیره‌ک دیب اویله‌ی من.»
ایتیش کیره‌ک، سونگی ایکی ییل ده دنیا همجمعیت تامانیدن اسلام امیرلیگی تن آلینیشی اوچون اوشبو حکومت نینگ دیپلوماتیک سعی‌وحرکت‌لری حاضرگچه نتیجه بیرمه‌گن.