سه‌شنبه کونی، ۱۳ سرطان، هندوستان شانگهای همکارلیک‌لر تشکیلاتی گه اعضا مملکت‌لر باشلیغ‌لری نینگ آنلاین ییغیلیش میزبانی ایدی، اوشبو ییغیلیش ده افغانستان ده عصیانچی گروه‌لر، بنگی‌وار ماده‌لر گه قرشی کوره‌ش، همه شمول حکومت شکللنیشی، انسان حق‌لری رعایت ایتیلیشی و افغانستان گه انسان پرورلیک یاردم‌لر دوام ایتیش موضوع‌لری بحث گه آلینگن.
افغانستان مذکور تشکیلات نینگ ناظر اعضاسی اوله‌راق قریب ایکی ییل دن بویان قانونی حکومت یوق‌لیگی باعث اشتراک ایته آلمه‌یدی و اوشبو ییغیلیش ده اشتراک ایتگنلر، نیچه مرته افغانستان وضعیتی اینیقسه عصیانچی گروه‌لر نینگ تهدیدی دن خواطر بیلدیرگنلر.
بیزلرنینگ فیسبوک صحیفه‌میزگه باش اورینگ!
اسلام امیرلیگی شانگهای همکارلیک‌لر تشکیلاتی نینگ سه‌شنبه کونگی(۱۳ سرطان) ییغیلیشیده‌گی خواطرلری گه مناسبت بیلدیریب، اسلام امیرلیگی مذکور تشکیلات نینگ یییغلیش‌لریده چقیریلیشینی طلب قیلگن.
افغانستان سرپرست حکومتی تشقی ایشلر وزیرلیگی اوشبو مناسبت بیلن ترقه‌تگن بیانیه‌سیده، شانگهای همکارلیک‌لر تشکیلاتی ییغیلیش‌لریده مذکور حکومت چقیریلمسلیگی، حاضرگی وضعیت کیسکین‌لشی گه سبب بولیشیدن آگاه‌لنتیرگن.
اسلام امیرلیگی تشقی ایشلر وزیرلیگی نینگ بیانیه‌سی بیر بولیمیده کیلیشیچه: «افغانستان اسلام امیرلیگی، منطقه ده خوفسیزلیک برقرار ایتیلیشی و همکارلیک‌لر مستحکم‌لنیشی مقصدیده یولگه قوییله‌دیگن بو کبی ییغیلیش‌لرنی خوش قرشی له‌یدی و شانگهای همکارلیک‌لر تشکیلاتی ده افغانستان نماینده‌سی چقیریلیشینی مسلم حقی بیله‌دی.»
بیرقطار ایش بیلرمان‌لر نینگ ایشانچی گه کوره، بو کبی ییغیلیش‌لرده اسلام امیرلیگی نینگ حضوری افغانستان وضعیتی گه دایر منطقه مملکت‌لری نینگ خواطرلری حل بولیشی گه سبب بوله‌دی.
بیزلرنینگ توییترده هم تعقیب قیلینگ!
سیاسی ایش بیلرمان سیدضیا حسینی نینگ ایتیشیچه: «بو کبی ییغیلیش‌لرده افغانستان چقیریلگن تقدیرده تأثیرچن بولیشی ممکن، بیراق افغانستان حکومتی حضورسیزلیگی ده یولگه قوییلسه فرصت‌لر اورنیده قیینچیلیک تاپیلیشی ممکن.»
ایتیش کیره‌ک که، اوتگن قریب ایکی ییل ده افغانستان وضعیتی گه دایر یولگه قوییلگن بیرقطار خلق‌ارا ییغیلیش‌لرده اسلام امیرلیگی آدرسی دن نماینده‌لر اشتراک قیلگن ایدی، بیراق اوشبو ییغیلیش عملی و مثبت نتیجه بیرمه‌گن.