اسلام امیرلیگی رسمی‌لری و مالیه وزیرلیگی مسئوللری، بوگون (سه‌شنبه، ۱۶-اسد)، حکومت نینگ اطلاعات و ییتکرمه‌لر مرکزی‌ده یولگه قوییلگن خبری بیر ییغین‌ده، بعضی اصناف سالیق‌لری کمه‌یتیریلگنیدن خبر بیرگنلر.
اسلام امیرلیگی سرپرست حکومتی رهبری نینگ قراری اساسیده، افغانستان ده گاز و تیل تانک‌لری ثابت سالیغی، ۰.۶ فایز‌دن ۰.۳ فایز گه کمه‌یگن.
شونینگدیک مسئوللر نینگ ایتیشلریچه، بیر ربع ایچیده عایدی ۷۵۰ مینگ افغانی‌دن کوپراق بولگن رستورانتلر و هوتل‌لر نینگ اوستیده‌گی ۵ فایز مالیه، ۲ فایزگه کمه‌یگن.
بیزلرنینگ فیسبوک صحیفه‌میزگه باش اورینگ!
اسلام امیرلیگی مسئوللری کسب‌وکار بولیمی‌ده آسایشته‌لیک‌لر یره‌تیلیشی اوچون اوشبو حکومت تعهدی‌دن ایشانچ بیرگن.
اوشبو برنامه‌ده اسلام امیرلیگی باش وزیری اداری اورین باسری عبدالسلام حنفی نینگ ایتیشیچه: «اسلام امیرلیگی دایم تورلی بولیم‌لرده آسایشته‌لیک ارائه قیلیش نی ایسته‌یدی. سیزلر گه بیللی که اوتمیش‌ده‌گی برچه مالیاتی جریمه‌لر کیچریلگن.»
شونینگدیک اوشبو برنامه‌ده مالیه وزیرلیگی باجخانه‌لر و درآمد بوییچه معینی عبدالقاهر ادریس نینگ ایتیشیچه: «اسلام امیرلیگی هر بولیم‌ده اهالی گه آسایشته‌لیک نی نظر گه آلگن. قاعده‌لرگه آسایشته‌لیک یره‌تگن و مالیه بیرووچیلر قیین‌چیلیگی نی وقتی‌ده حل قیلگن.»
شونده‌ی بیرحالده، گاز و تیل تانک‌لری بیرلشمه‌سی و شونینگدیک دکاندارلر و کسبه‌کارلر اتاقی مسئوللری، حکومت‌دن سالیق قیین‌چیلیگی یانیده، فعالیت‌لری برابریده‌گی باشقه موجود قیین‌چیلیک نینگ حل بولینیشی نی ایسته‌گنلر.
بیزلرنینگ «ایکس» ترماغی ده هم تعقیب قیلینگ!
بو توغریده گاز و تیل تانک‌لری بیرلشمه‌سی نماینده‌سی مسعود احمد نینگ ایتیشیچه: «بیزلر نینگ ترازولر بولیمی‌ده بیر قیین‌چیلیگیمیز بار، ترازولر ستندردی قریب برابر ایمس. بیر قطار جایلرده کنترول بوله‌دی و بیر قطار جایلرده کنترول بولمه‌یدی. بیر قطار جایلرده موترلریمیز نینگ اولچه‌لیشی بیر تور نتیجه و باشقه بیر جای گه ایسه باشقه تور نتیجه بیره‌دی.»
اسلام امیرلیگی رهبری، بوندن آلدین کمیده ایکی فرمان‌ده اصناف خصوصیده‌گی موجود سالیق نی کمه‌یتیرگن ایدی؛ بیراق ینه هم اصنافلردن قطاری، دایم فعالیت‌لری برابریده‌گی مالیه یوقاریلیگیدن شکایت قیلگنلر.
