مهاجرلر وزیرلیگی بوگون ایچکی آواره‌لر وضعیتی خصوصیده‌گی قیین‌چیلیک‌لر نینگ حل بولیشی اوچون «مرکزی ولایت‌لر آره‌سیده هماهنگ‌لیک استراتیژیک جلسه» عنوانی‌ده بیر ییغین یولگه قوییگنلر.
شونده‌ی بیرحالده، مهاجرلر وزیرلیگی سرپرستی خلیل‌‌الرحمان حقانی، ایچکی آواره‌لر وضعیتی‌دن خواطر بیلدیریب و یاردم بیرووچی نهاد‌لردن ایچکی آواره‌لر گه یاردم بیریلیشی نی ایسته‌گن.
بیزلرنینگ توییترده هم تعقیب قیلینگ!
مهاجرلر وزیرلیگی سرپرستی خلیل‌‌الرحمان حقانی نینگ ایتیشیچه: «یاردم بیرووچی نهاد‌لردن ییمک، قیش کییم و قیش موسومی‌ده اوی‌لر نینگ ایسیق سقلنیشی خصوصیده‌گی امکانیت‌لر نی ایچکی آواره‌لر گه فراهم بولیشی و محلی مسئول نهاد‌لردن اهالی گه شفاف شکلده یاردم بیریلیشی نی ایسته‌یمن.»
باشقه بیر تامان‌دن، بلخ ولایتی مزارشریف شهری‌ده‌گی ایچکی آواره‌لریدن قطاری نینگ ایتیش‌لریچه، قیش موسومی‌ده امکانیت یوقلیگی سبب، تلف بولیش‌لری ممکن.
مزارشریف ده ایچکی آواره‌لریدن بنفشه، ساووق هوا‌ده خیمه‌ده حیات کیچیره‌دی. اونینگ ایتیشیچه، حاضرگچه هیچ قنده‌ی انسان‌دوست‌لیک یاردم قولگه کیلتیرمه‌گن.
شونینگدیک پکتیا ده‌گی ایچکی آواره‌‌لردن قطاری قوروقچیلیک نتیجه‌سیده، اوشبو ولایت مرکزی گه کیلگنلر. اولر نینگ ایتیش‌لریچه، قوروقچیلیک و سونگی سوو تاشقین‌لر برچه نرسه‌لری نی اولردن آلگن.
بیزلرنینگ فیسبوک صحیفه‌میزگه باش اورینگ!
پکتیا ده‌گی ایچکی آواره‌‌لردن عبدالله نینگ ایتیشیچه، حاضرگچه هیچ قنده‌ی یاردم قولگه کیلتیرمه‌گن.
عبدالله گه کوره: «ایشیم یوق و اوی‌ده هیچ نرسه‌میز یوق. کیله‌سی قییش موسومی جوده‌یم قیین دیر. اسلام امیر‌لیگی‌دن همکارلیک قیلیش‌لری نی ایسته‌میز.»
عین حالده، مهاجرلر وزیرلیگی نینگ آماری اساسیده، حاضر ایسه افغانستان ده ۳ میلیون ایچکی آواره بار که اولردن کوپ قطاری، قوروقچیلیک و سوو تاشقین سبب، اوی‌لریدن آواره بولگنلر.
