فاریاب ده اسلام امیرلیگی رسمیلری حضوری بیلن ایران و پاکستان دن قیتریلگن قاچقینلر اوچون بیر شهرچهنینگ قوریلیش ایشی باشلنگن.
شهرسازلیک و اوی-جای قوریش وزیرلیگی سرپرستی حمدالله نعمانینینگ ایتیشیچه، مملکت گه قیتریلگنلر اوچون فاریاب ولایتی دولتآباد تومنیده تورت مینگ جریب ییرده بیر شهرچه قوریلهدی.
بیزلرنینگ فیسبوک صحیفهمیزگه باش اورینگ!
جناب نعمانینینگ کوپهیتیریشیچه، مذکور شهرچه اوچون ایکی مینگ ۵۶۰ یشش اوی، ییتی ته مکتب، ۱۱ ته مسجد، اوچ ته کسلخانه، ییتی ته بالهلر باغچهسی و باشقه امکانیتلر نظرگه آلینگن.
بو شهرچهنینگ قوریلیش ایشی باشلنیشی توغریسیده اوتکزیلگن مراسمده اسلام امیرلیگی باش وزیری اداری اورینباسری عبدالسلام حنفینینگ ایتیشیچه، قوشنی مملکتلر برچه حقوقی معیارلرگه قرشی افغانستانلیک قاچقینلرنی جبری شکلده چیقرهدی.
بیزلرنینگ «ایکس» ترماغی ده هم تعقیب قیلینگ!
حنفی جنابلرینینگ کوپهیتیریشیچه، افغانستان گه قیتریلگن کیشیلرنینگ اوی-جایگه نیازی بار و اسلام امیرلیگی اولرگه اوی و ایش فرصتلرینی یرهتیش اوچون سعیوحرکت قیلماقده.
شونینگدیک بوندن آلدین، قندوز، کنر و جوزجان ولایتلریده هم مملکت گه قیتریلگن قاچقینلر اوچون شهرچه قوریلیشینینگ ایشی باشلنگن.
