افغانستان ایشلری بوییچه امریکا نینگ مخصوص وکیلی توماس وست، افغانستان وضعیتی گه دایر یقینده بولیب اۉتگن دوحه ییغیلیشی تفصیلاتینی ترقه‌تیش بیلن ایتیشیچه، اوشبو ییغیلیش ده افغانستان ده عصیانچی گروه‌لر نینگ قیته ظهور قیلمسلیگی، خاتین قیزلر گه تعلیم و ایش حقی بیریلیشی و انسان پرورلیک یاردم‌لر دوامی بحث گه آلینگن.
وست ایکس اجتماعی صحیفه‌سیده یازیشیچه، امریکا دوحه ییغیلیشی ده خلق‌ارا همجمعیت ده افغانستان نی بوتونلی قوشیش اوچون یول خریطه‌سی تیارلنیشینی تکلیف قیلگن.
وست نینگ بیاناتی بیر بولیمیده کیلیشیچه: «امریکا قوشمه ایالتلری اوشبو فارمت دوامیده [دوحه ییغیلیشی] نی خوش قرشی‌له‌یدی و بیرلشگن ملتلر تشکیلاتی ییتکیچیلیگی ده خلق‌ارا همجمعیت ده افغانستان نی بوتونلی قوشیش اوچون یول خریطه‌سی تیارلنیشینی تکلیف قیله‌دی. افغانستان خلقی نینگ تینچ‌لیگی و خلق‌ارا همجمعیت نینگ قوشمه منفعت‌لری بوتوغریده نظرگه آلینیشی کېره‌ک.»
بیزلرنینگ فیسبوک صحیفه‌میزگه باش اورینگ!
اسلام امیرلیگی سوزلاوچیسی ذبیح‌الله مجاهد خلق‌ارا همجمعیت ده افغانستان نینگ قوشیش ریجه نی خوش قرشی‌لب سلام‌وطندار گه ایتیشیچه، افغانستان بیلن دنیا نینگ همکارلیک قیلیشی، بیر نیاز دیر و دنیا بهانه قیلمسدن بوتوغریده عملی ایشلرنی باشلشی کېره‌ک.
مجاهد گه کوره، دنیا همجمعیت ده افغانستان کبی باشقه مملکت‌لر نینگ حضوری، مملکت‌لر نینگ برچه منفعت‌لرینی قانونی یول آرقه‌لی تامینلشی ممکن.
مجاهد نینگ کوپه‌یتیریشیچه: «افغانستان باشقه مملکت‌لر کبی خلق‌ارا همکارلیک‌لرده بولیشی بیر نیاز دیر و افغانستان قوشیلیشی اوچون بهانه قیلینمسلیگی لازم، ایریم بهانه‌لر بیلن بو تکلیف نی قیینچیلیکّه دوچ قیلمسلیک درکار، بیز امریکا شامل برچه مملکت‌لردن افغانستان بیلن عادی همکارلیک قیلیش‌لرینی اېسته‌یمیز.»
بیزلرنینگ «ایکس» ترماغی ده هم تعقیب قیلینگ!
ایش بیلرمان‌لردن بیرقطاری نینگ ایشانچی گه کوره، خلق‌ارا همجمعیت ده افغانستان نینگ قوشیش، انسان حقلری اېنیقسه عیاللر گه ایش و تعلیم حقی بیریلیشی و همه شمول حکومت شکللنیشی کبی شرط‌لر عملی بولیشی کېره‌ک، اسلام امیرلیگی و دنیا تامانیدن بوتوغریده حاضرگچه عملی ایشلر باشلنمه‌گن.
خلق‌ارا ایش بیلرمان ولی فروزان نینگ ایتیشیچه: «خلق‌ارا همجمعیت ده افغانستان قوشیلیشی اوچون تام وست جنابلری نینگ تکلیفینی خوش قرشی له‌یمیز، بونگه قوشیمچه عیاللر نینگ تعلیم و تحصیلی حق‌لر کبی مهم و معقول مسئله‌لرنی هم بیان قیلگن.»
برچه‌سی بیلن، اسلام امیرلیگی افغانستان ده قدرت نی آلگنیدن ایکّی ییل دن کوپ اوتماقده، بیراق دنیا همجمعیت و سرپرست حکومت حاضرگچه کیلیشه آلمه‌ی و افغانستان حاضر هم سیاسی انزاوا قرار تاپگن.
