امریکا جمهور باشلیغی دونالد ترامپنینگ بو مملکت گه بگرام قرارگاهی تاپشیریلمسلیگی عاقبتلری توغریسیده آگاهلنتیریشیدن کیین، اسلام امیرلیگینینگ اعلام قیلیشیچه، امریکا دوحه بیتیمیدهگی تعهدلریگه توختهب، افغانستان برابریده زور و تهدیددن فایدهلنمسلیگی کیرهک.
ارگ، بوگون (۳۰-سنبله، یکشنبه)، بیر بیانیه آرقهلی یازیشیچه، امریکا بیلن ایکی تامانلمه برچه مذاکرهلرده، باشقه هر نرسه گه نسبت افغانستان توپراغی و مستقللیگینینگ اسلام امیرلیگی اوچون اهمیتگه ایگه بولگنینی بو مملکتگه بیان قیلگن.
بیانیهده کیلیشیچه: «دوحه بیتیمیده امریکا، افغانستاننینگ سیاسی مستقللیگی و توپراغی همده اونینگ ایچکی مسئلهلریگه ارهلشمسلیگی برابریده زور و تهدیددن فایدهلنمسلیگی توغریسیده تعهد بیرگن ایدی.»
اسلام امیرلیگینینگ کوپهیتیریشیچه، برچه مملکتلر بیلن قوشمه و ایکی تامانلمه منفعتلر اساسیده، ایجابی علاقه قوریشنی ایستهیدی.
بوندن آلدین امریکا جمهور باشلیغی دونالد ترامپ، بگرام قرارگاهی نظارتینینگ قیته آلماقچین بولگنی و افغانستان، اونینگ قیتهریشگه راضی بولمهگنی صورتده، «یامان واقعهلر» یوز بیریشینی بیان قیلگن.
