پاکستان ملی خوفسیزلیک مصلحتچیسی موید یوسف اوتگن کون بیر هیات ییتکچیلیگیده کابل کیلدی. او، اوشبو اسلامی امارت رئیس‌الوزا ایکینچی اورین باسری عبدالسلام حنفی، تشقی ایشلر وزیرلیگی سرپرستی امیر‌خان‌متقی و اسلامی امارت رسمیلریدن قطاری بیلن اوچره‌شگن. اوشبو اوچره‌شوولرده، انسان دوستلیک یاردم‌لر، اقتصادی رابطه‌لر رواجلنتیریش و باشقه اونملی موضوع‌لر خصوصیده صحبت اوتکزگنلر.
اسلامی امارت سوزلاوچی اورین باسرلریدن بلال کریمی نینگ سلام‌وطندار گه ایتیشیچه، مذکور سفرده دیورند چیزیغیده‌گی قیین‌چیلیکلر، افغانستان نینگ پاکستان‌‌ده‌گی مهاجرلر وضعیتی، ایکی مملکت آره‌سیده ترانزیتی قولی‌لیک یره‌تیش و باشقه مسئله‌لر خصوصیده بحث ایتیلگن. جناب کریمی پاکستان ملی خوفسیزلیک مصلحتچیسی نینگ کابل گه قیلگن سفری نی امیدوارلی دیگن.
بیزلرنینگ فیسبوک صحیفه‌میزگه باش اورینگ!
باشقه بیرتاماندن، سیاسی ایش بیرلرمان‌لردن قطاری پاکستان ملی خوفسیزلیک مصلحتچیسی نینگ کابل گه قیلگن سفری گه اشاره قیلیب ایتیشیچه، بوندن آلدین هم ایکی مملکت مناسبت‌لرینی مستحکم‌لش اوچون بو کبی سفرلر بولگن ایدی. اولر نینگ ایشانچیلریگه کوره، پاکستان افغانستان برابریده ایکی تامانلمه سیاست اوینب و افغانستان برابریده صادق ایمس.
پاکستان ملی خوفسیزلیک مصلحتچیسی، ۲۸ جدی‌ده بیر هیات ییتکچیلیگیده ایکی کون‌لیک بیر سفرده کابل کیلیشی کوتیلر ایدی، بیراق اوشبو سفر بیکار قیلیندی. پاکستان رسمی‌لری تامانیدن اوشبو مملکت ملی خوفسیزلیک کینگشی مصلحتچیسی نینگ سفری توخته‌تیلیش سببی وضعیت مناسب ایمسلیگی عنوان قیلینگن ایدی.
بیزلرنینگ توییترده هم تعقیب قیلینگ!
اسلامی امارت نینگ قدرت گه ایریشگنیدن کیین، پاکستان رسمی‌لری نینگ کابل تامان ایکینچی رسمی سفری دیر. بو ییل نینگ میزان آیده پاکستان تشقی ایشلر وزیری شاه‌محمود فریشی کابل کیلگن ایدی. شونینگدیک اسلامی امارت تشقی ایشلر وزیرلیگی سرپرستی امیر‌خان متقی ایکی مرته پاکستان گه سفر قیلگن ایدی.
اوشبو سفرلر عین‌حالده بولماقده که پاکستان افغانستان اسلامی امارت نینگ اصلی حامی‌سی حسابلنه‌دی، لیکن حاضرگه قدر بو حکومت‌نی رسمیت‌گه تانیمه‌گن.
