اسلام امیرلیگی صناعت و سودا وزیرلیگی، افغانستان و اوزبیکستان ۵۲۰ میلیون دالرلیک همکارلیک بیتیم امضالهگنینی معلوم قیلدی.
اوشبو وزیرلیک، بوگون (۲۴ حمل/۱۳ اپریل، دوشنبه) ایکس صحیفهسیده بیر بیانیه ترقهتیب، بو بیتیملر افغانستان و اوزبیکستان خصوصی سکتورلری اورتهسیده اوتکزیلگن سودا ییغیلیشلریده امضالنگنینی ایتگن.
صناعت وزیرلیگیگه کوره، اوشبو بیتیملر تیمیر ییریتیش ایشخانهلرنی تشکیل ایتیش، پخته پروسس قیلیش، سمنت ایشلب چیقریش، نطفهلی تاووق یومورتقهسینی ایشلب چیقریش و جوجه ییتیشتیریش، افغانستان تاش کومیری اوزبیکستان گه صادر قیلینیشی و موتر پرزهلری بولیملریده امضالنگن.
بوندن اول، افغانستان و اوزبیکستان خصوصی سکتوری ۳۰۰ میلیون دالردن آرتیق ۲۵ سودا بیتیمینی امضالهگن ایدیلر.
