تهران ده اسلام امیرلیگی ایلچیخانهسی سرپرستی فضلمحمد حقانی، ایران تشقی ایشلر وزیرلیگینینگ خلقارا و حقوقی اورینباسری کاظم غریبآبادی بیلن اوچرهشیب و ایکی تامانلمه مسئلهلر توغریسیده صحبت قیلگنلر.
تهران ده اسلام امیرلیگی ایلچیخانهسی، بیر بیانیه آرقهلی یازیشیچه، مذکور اوچرهشووده ایکی تامان ایران دهگی افغانستانلیک محبوسلر وضعیتی، حقوقی و قنسولی ساحهلردهگی ایشلرنینگ قولیلشتیریلیشی و افغانستانلیک قاچقینلر قیینچیلیکلری حلی توغریسیده صحبت قیلگنلر.
کاظم غریبآبادی، بوندن آلدین کابل گه سفر قیلیب و شونینگدیک اسلام امیرلیگی رسمیلری بیلن ایران ده افغانستانلیک محبوسلر وضعیتی حقیده صحبت قیلگن ایدی.
ایران نیچه ییلدن بویان افغانستانلیک قاچقینلر میزبانی بولیب و مذکور مملکتده افغانستان یشاوچیلریدن قطاری تورلی عیبلر بیلن حبس گه آلینگنلر؛ گرچند حاضرگچه محبوسلردن بیللی بیر رقم اعلام بولمهگن.
