مملکت تشقی ایشلر وزیرلیگی رسمی‌لری، عراق نینگ تورلی قماقخانه‌لریدن افغانستان‌لیک ۲۵ محبوس قوییب یوباریلگنیدن خبر بیرگنلر.
اسلام امیرلیگی تشقی ایشلر وزیرلیگی سوزلاوچیسی نینگ اورین باسری ضیااحمد تکل چهارشنبه کونی، ۵ میزان، اوز ایکس (تویتری) ده، افغانستان‌لیک مذکور محبوس‌لر عراق ده افغانستان ایلچیخانه‌سی رسمی‌لری نینگ سعی‌وحرکتی طفیلی آزاد ایتیلگنینی یازگن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه، افغانستان‌لیک اوشبو محبوس‌لر قانونی مدرک‌لری یوق‌لیگی باعث حبس گه آلینگن ایکنلر.
ضیااحمد تکل نینگ یازیشیچه: «تشقی ایشلر وزیرلیگی و افغانستان اسلام امیرلیگی نینگ عراق ده‌گی ایلچیخانه‌سی سعی‌وحرکتی طفیلی، افغانستان‌لیک ۲۵ مهاجر قانونی مدرک‌لری یوق‌لیگی باعث عراق قماقخانه‌لری گه زندانی ایدیلر، قویب یوباریلیب و مملکت گه قیتیریلگن.»
تشقی ایشلر وزیرلیگی سوزلاوچیسی نینگ اورین باسری گه کوره، اوشبو وزیرلیک باشقه اولکه‌لر نینگ قماقخانه‌لریده زندانی بولگن افغانستان‌لیک محبوس‌لر قوییب یوباریلیشی اوچون تلاش قیلماقده.
بیزلرنینگ «ایکس» ترماغی ده هم تعقیب قیلینگ!
ایتیش کیره‌ک که، چیت ایل مملکت‌لر اینیقسه پاکستان و ایران قماقخانه‌لریده کوپ سانده افغانستان‌لیک مهاجرلر زندانی بولگن بیرحالده، عراق قماقخانه‌لریدن اوشبو محبوس‌لر قوییب یوباریلگن.