اقتصاد وزیرلیگی مسئوللری نینگ ایتیشلریچه، تشقی یاردم بیرووچی تشکیلات‌لر یاردم‌لری، بو ییل اوتگن ییل گه قره‌گنده کمه‌یگن. اولر بیرلشگن ملت‌لر تشکیلاتی خوفسیزلیک کینگشی تامانیدن ترقه‌تیلگن سونگی گزارش گه قرشی فکر بیلدیریب ایتیشلریچه، بو نرسه دییرلی اوشبو تشکیلات نی تخنیکی قیینچیلیک‌لریگه تیگیشلی دیر.
اقتصاد وزیرلیگی سوزلاوچیسی عبدالرحمان حبیب نینگ ایتیشیچه، خلق‌ارا یاردم بیرووچی تشکیلات‌لر یاردم‌لری کمه‌یشی سببی، بودجه نینگ کم‌لیگی دیر. اونینگ کوپه‌یتیریشیچه: «قیغو بیلن بشری یاردم‌لر بولیمی‌ده پروژه‌لر سانی کمه‌یگن و بشری یاردم‌لر اوتگن ییل گه قره‌گنده کمه‌یگن. بو تخنیکی قیین‌چیلیکلری گه تیگیشلی دیر و بو اوز دونرلری بیلن بولگن قیین‌چیلیکلری دیر.»
بیزلرنینگ توییترده هم تعقیب قیلینگ!
بیرلشگن ملت‌لر تشکیلاتی نینگ خوفسیزلیک کینگیشی، جمعه کونی کیچ قورون بیر گزارش ترقه‌تیش بیلن ایتیشلریچه، اسلام امیرلیگی مسئوللری نینگ اره‌لشیشی، یاردم‌لر نینگ انتقال بیریلیشی‌ده چیکلاو‌لر یره‌تیلیشی و یاردم بیرووچی نهاد‌لر ایشلاوچیلری بیلن ناتوغری رفتارلر سبب، افغانستان ده جولای آیی‌دن بویان ۵۶ یاردم بیرووچی برنامه‌‌لری توخته‌گن دیر.
بو گزارش‌گه کیلیشیچه، اسلامی امارت رسمی‌لرینی قرارلری، انسانی توسقین‌لیککه ییتیشیش توغریسیده بولگن اولرنی سعی‌وحرکت‌لرینی قیینچیلیک بیلن روپه‌ره قیلگن
شونینگدیک دنیا بانکی نینگ اوتگن هفته ترقه‌تیلگن سونگی گزارشی گه کوره، حاضرگچه افغانستان‌لیک عایله‌لردن اوچ‌دن ایکی قسمی، ییگولیک و باشقه نیازلری نی تامین‌لش گه کوچلری ییتیشمه‌یدی.
اوشبو گزارش نینگ بیر بولیمی‌ده کیلیشیچه: «بیر قطار اونملی قیین‌چیلیک‌لر حاضرگچه بار. مالی سیستم آز دیر، افغانستان‌لیک عایله‌لردن اوچ‌دن ایکی‌سی ییگولیک و باشقه اساسی ترسه‌لر نی تامین‌لش گه کوچلری ییتیشمه‌یدی.»
شونده‌ی بیرحالده، پایتخت‌ده‌گی نیازمند کیشی‌لردن قطاری، اقتصادی وضعیت‌لریدن شکایت قیلیب ایتیشلریچه، وضعیت‌لری اوتمیش گه قره‌گنده یامان بولگن.
کابل شهری «کمپنی» منطقه یشاوچیسی نعمت‌الله نینگ سلام‌وطندار گه ایتیشیچه، ییتی کیشیلیک بیر عایله سرپرستی دیر؛ بیراق ایش یوقلیگی سبب، عایله خره‌جتی نی تامین قیله آلمه‌یدی.
اونینگ کوپه‌یتیریشیچه: «ایرتنگ‌دن آخشم‌گچه کیله‌من، بیر افغانی قولگه کیلتیرمه‌یمن. توش ییمگی تاوان دیر، ییتی کیشیلیک بیر عایله‌میز. ایشله‌گنیم‌ده نان ییه آله‌میز، ایشلمه‌گنیم‌ده، کون‌میز نی آچ اوتکزه‌میز. نانی‌میز نینگ پولی نی تاپه آلمه‌یمیز.»
بیزلرنینگ فیسبوک صحیفه‌میزگه باش اورینگ!
شونینگدیک کابل شهری دشت‌برچی منطقه یشاوچیسی محمد‌عوض نینگ ایتیشیچه: «بو ۱۰ افغانی بیلن حیاتی‌میز قنده‌ی اوتسین، ییتی کیشی‌میز، یالغیز مین ایشله‌یمن. وضعیتی‌میز یامان بوله‌دی یخشی بولمه‌یدی. قوروق نان آلیب بارگنیم کون، مینی اوچون یخشی کون بوله‌دی.»
عین حالده، اسلام امیرلیگی سوزلاوچی اورین‌باسرلریدن بلال‌کریمی، بیرلشگن ملت‌لر تشکیلاتی یاردم‌لری نینگ ۵۶ برنامه‌سی فعالیتی توخته‌گنی ادعا گه قرشی عکس‌العمل کورستیب ایتیشیچه، برچه ادعا‌لر حجت و شاهد‌لر بیلن ارائه بولیب و یاردم بیریلیش فعالیت‌لری ایسه اسلام امیرلیگی مسئوللری نینگ هماهنگ‌لیگی‌ده صورت تاپیشی کیره‌ک.
