بوگون اسلامی امارت اقتصاد وزیرلیگی، بیر ییللیک گزارشینی شریک قیلدی. اقتصاد وزیرلیگی مسئوللری نینگ ایتیشلریچه، ییترلیچه سرمایه یوق‌لیگی باعث، برچه ترقیاتی پروژه‌لرنی عملگه آشیریش امکانی یوق دیر، عین‌حالده مملکت خلقی اوچون مهم و حیاتی بولگن پروژه‌لر اوستون قرار بیریلگن.
بوگون (دوشنبه، ۱۰ اسد) کابل ده مطبوعاتی ییغینده اشتراک ایتگن اقتصاد وزیرلیگی نینگ پالیسی و مسلکی معینی عبداللطیف نظری نینگ ایتیشیچه، افغانستان برابری ده دنیا مناسبتی و شونینگدیک دنیا همجمعیت تامانیدن یره‌تیلگن چیکلاولر، افغانستان اقتصادی اوستیگه سلبی تاثیر قیلگن.
عبداللطیف نظری نینگ ایتیشیچه: «ییترلیچه سرمایه یوق‌لیگی باعث بویوک صناعتی فابریکه‌لرنی ایجاد ایتیش امکانی یوق دیر، بیز بیر مقدار زمان گه نیازمند میز.»
بیزلرنینگ فیسبوک صحیفه‌میزگه باش اورینگ!
اسلامی امارت اقتصاد وزیرلیگی، عین‌حالده حاضرگی احوال دن خواطر بیلدیرماقده که اقتصادی ایش بیلرمان‌لر، اسلامی امارت دنیا همجمعیت تامانیدن دستک‌لنمسلیگی و افغانستان ایچیده سوداگرلر نینگ سرمایه یاتقیزمسلیگینی، عام‌المنفعه پروژه‌لر اینیقسه تولیدی فابریکه‌لر ایجاد ایتیلیشی اوچون ییترلیچه سرمایه یوق‌لیک دلیلی عنوان قیله‌دیلر.
اقتصادی ایش بیلرمان‌لر نینگ ایتیشلریچه، اولکه ده اقتصادی ترقیات و پروژه‌لرعملگه آشیریلیشی اوچون، اسلامی امارت دستلب دنیا جماعه‌چیلیگی نینگ خواهش_اراده‌سینی عملی قیلیب و خصوصی سکتورنی قوللب_قوتلشی کیره‌ک.
اقتصادی ایش بیلرمان عیسی رضایی نینگ ایتیشیچه: قرض بیریش و بانکی سیستم‌لرنی فعال قیلیب و اوز سرمایه‌لرینی خارج گه انتقال بیرمسلیک اوچون بانک‌لرنی تشویق قیلیش کیره‌ک.»
بیزلرنینگ توییترده هم تعقیب قیلینگ!
اقتصادی ایش بیلرمان‌لردن باشقه بیری بهیر زلاند نینگ ایتیشیچه: «ملت نی اوستون قرار بیریش کیره‌ک. رسمی حکومت و توسیلگن پوللرنی آزاد قیلیش اوچون هیچ بولمسه دنیا جماعه‌چیلیگی بیلن تعامل قیلیش درکار.»
بو سوزلر عین‌حالده بیان بولماقده که، اسلامی امارت حاکمیتیدن کیین، خلق‌ارا نهادلر نیچه مراتبه افغانستان نینگ اقتصادی تیزیمی قوللشیدن آگاه‌‌لنتیرگنلر.
