مسئله بیانی
افغانستان جامعهسیده یاشلر، اجتماعی، اقتصادی و تحصیلی تورلی قیینچیلیکلر بیلن دوچ دیر، بو معمالر اولر نینگ مقصدلری و امیدلری گه تأثیر قیلیشی ممکن. بو تدقیقات ده یاشلر نینگ مقصدلری میزانینی تېکشیریش، انیق مقصدلری بولمسلیک اوچون احتمالی دلیللر، تحصیل، اقتصاد و اجتماعی شرایط بیلن بو مسئلهلر نینگ علاقهسی حقیده بحث اېتیلگن. یاشلر مملکت نی رواجلنتیریش و ترقیاتی اوچون اصلی حرکت سنلسه ده، اولر نینگ مقصد و قیینچیلیکلرینی انیقلش، قۉللب-قوتلش ریجهلر و سیاست اوچون یاردم بیریشی ممکن. تدقیقات اۉتکزیلیشیدن اساسی مقصد افغانستان دهگی یاشلر نینگ تیریکچیلیک اوچون نیمه غایهلری بار و غایهلری بولیش یا که بولمسلیک دلیلینی تېکشیریش دیر.
تدقیقات تاریخی
یاشلر نینگ غایلهلری خصوصیده تورلی نهادلرده محدود علمی ایشلر بجریلگن؛ بیراق انیق طرزده یېتکرمهلر تامانیدن معلوماتی تدقیقات بولمهگن؛ اوشبو تدقیقاتی گزارش ده بو حقیده بحث اېتیلگن.
تدقیقات سوراقلری
۱. افغانستان یاشلری نینگ نیچه فایزی حیاتلریده انیق غایهلری بار؟
۲. افغانستان یاشلری نینگ تیریکچیلیک اوچون اصلی غایهلری نیمه دن عبارت؟
۳. افغانستان بیرقطار یاشلری نینگ انیق غایهلری بولمهگنلیک سببی نیمه؟
تدقیقات مقصدی
۱. یاشلر نینگ غایهلری بولیش احوالینی تېکشیریش
۲. یاشلر نینگ غایهسیز بولیشی گه سبب بولگن موردلرنی بیان قیلیش
۳. یاشلر نینگ تیریکچیلیگیده غایهسیزلیک سببی
۴. تیریکچیلیکلریده غایهسی بولگن و بولمهگن یاشلر نینگ رقمینی انیقلش.
تدقیقات وقتی
بو تدقیقات ۲۰۲۴-ییل ۲۳-می ده باشلنیب و اوشبو ییل تورتینچی جون گه قدر یکونلنگن.
تدقیقات قیینچیلیکلری
تدقیقات جریانیده روپهره بولگن قیینچلیکلر گه خلاصه شکلده اشاره بولهدی.
اوشبو تدقیقات ده کوپینچه یاشلر سوراقلر گه جواب قیتریش گه حاضر بولمهدیلر؛ اینیقسه عیاللر کیملیکلری آچیقلنمسلیگی اوچون.
کوپینچه یاشلر آرزو و غایه اۉرتهسیدهگی فرقنی بیلمهیدیلر.
یاشلر بوتوغری گه عاید سوراقلر گه جواب قیتریش گه قیزیقمس اېدیلر.
تدقیقات اۉزگریشلری
کېلهجک اوچون یاشلر نینگ غایهسی
گزارش خلاصهسی
سلاموطندار نینگ افغانستان ۱۲ ولایتیده ۳۰۵ یاش بیلن اۉتکزگن صحبتی اساسیده، بو یاشلر نینگ ۶۰.۹ فایزدن کوپراغی نینگ تورلی ساحهلرده انیق غایهلری یوق و اولر نینگ ۳۹.۱ فایزدن کوپراغی نینگ کېلهجکّه امیدلری یوقلیگی اوچون غایهلریدن واز کېچیب و اۉزلرینی غایهسیز اتهیدیلر.
بو تدقیقات ده تورلی یاش ده بولگن یاشلر یعنی کوپراغی ۲۰ دن ۲۵ یاشر ییگیتلر که ۴۵.۹ فایزنی تشکیل بیرهدی، قتنشگن.
اوشبو تدقیقات ده قتنشگنلر نینگ ۵۸ فایزینی عیاللر و ۴۲ فایزینی اېرککلر تشکیل بیرهدی.
بو تدقیقات افغانستان نینگ ۱۲ ولایتیده یولگه قوییلگن، جوزجان ۱۹.۳۴ فایزی بیرینچی اۉرینده و تخار ۴.۳ فایز قتنشووچی بیلن سۉنگی اۉرینده قرار تاپگن.
گزارش تفصیلاتی
سلاموطندار افغانستان ده یاشلر نینگ تیریکچیلیگی مقصدلری میزانینی تېکشیریش اوچون مملکت ۱۲ ولایتیده ۳۰۵ یاش بیلن صحبت اۉتکزگن.
اوشبو تدقیقات ده جوزجان ۱۹.۳۴ فایز قتنشووچی بیلن بیرینچی اۉرینده و تخار ۴.۳ فایز قتنشووچی بیلن سۉنگی اۉرینده قرار تاپگن.
اوشبو تدقیقات ده یاشلر نینگ جنسیتی و سواد میزانی حقیده هم سۉرهلگن اولر نینگ ۵۸ فایزینی عیاللر و ۴۲ فایزینی ایرککلر تشکیل بیرهدی.
قتنشووچیلر نینگ ۴۲.۶ فایزی اوقووچیلر، ۳۲.۷ فایزی لیسانس حجتی بولگنلر، ۱۷ فایزی ۱۲صنف فارغلری و ۷.۵۴ فایزی سوادسیز دیر.
اوشبو تدقیقات ده قتنشووچیلر نینگ ۴۵.۹ فایزی ۲۰ دن ۲۵ یاشر، ۳۰.۱۶ فایزی ۱۵ دن ۲۰ یاشر آرهسیده، ۱۳.۱۱ فایزی ۲۵ دن ۳۰ یاشر و باشقه ۱۰.۸۱ فایزی ۳۰ دن ۳۵ یاشرلر تشکیل بیرهدی.
اوشبو تېکشیرو نینگ نتیجهسی اساسیده، کوپینچه یاشلر نینگ حیاتلریده انیق غایهلری بار، بو اولر نینگ تحصیل و وظیفه گه نسبتن علاقهمندلیکلریدن درک بیرهدی. شو بیلن بیرگه، بیر فایز یاشلر کېلهجکّه نسبتن امیدسیز بولگنلری طفیلی غایهسیز تیریکچیلیک قیلماقدهلر. بو معلوماتلر اساسیده یاشلر نینگ کېلهجکّه امیدوار قیلیش و اولر نینگ حیاتلریده غایهلری بولیشی اوچون اجتماعی و اقتصادی ساحهلرده قۉللب-قوتلنیشلری کېرهک.
تدقیقات تکلیفلری
۱. یاشلر اینیقسه مملکت نینگ اوزاق منطقهلریدهگی یاشلر اوچون تحصیلی بورسیه و تعلیمی ریجهلر گه زمینه یرهتیب و یاشلر نینگ صفتلی تعلیم مرکزلردن فایدهلنه آلیشی اوچون تعلیمی و مسلکی مرکزلر رواجلنتیریلیشی.
۲. دولت و خصوصی بولیم بیلن همکارلیک آرقهلی یاشلر گه ایش فرصتلرینی یرهتیش و ایش بازاری گه عاید تعلیم و اورگهتیش دورهلرنی یولگه قوییش.
۳. مناسب ایش و تحصیلی یوللرنی تنلش و غایهلری اوچون یاشلر گه یاردم بیریش مقصدیده مدرسهلر و بیلیم یورتلرده ایش و تحصیلی مصلحت بیریلیشی و تورلی ساحهلرده یاشلرنی علاقهسینی کوچهیتیرهدیگن منتورینگ ریجهلر یولگه قوییلیشی.
۴. کیلهجک اوچون غایه و ریجهلری بولیش گه یاردم بیرهدیگن تعلیمی و اطلاعاتی منبعلر رواجلنتیریلیشی و توزیع بولیشی و یاشلرنی تعلیمی منبعلردن فایدهلنیش امکانیتینی یرهته دیگن دیجیتالی کتابخانهلر و آنلاین پلتفرملرنی قوریش.
۵. یاشلرنی غایه و ریجهلری بولیش گه ترغیب اېتهدیگن آگاهیلیک بیریش و ترغیبی کمپاینلر یولگه قوییلیشی و غایهلری اوچون قیینچیلیک بیلن دوچ بولگن یاشلر گه مالی و مصلحتی یاردم کورسهتیلیشی.
۶. مملکت اجتماعی و اقتصادی احوالی یخشیلنیشی و یاشلر نینگ کېلهجکّه امیدوار قیلیش اوچون ترقیاتی ریجهلر عملگه آشیریلیشی همده اولر گه انگیزه بیریش و غایهسیزلیک تویغوسینی کمهیتیریش مقصدیده یاشلر اوچون تینچ محیط یرهتیش.
یاشلر نینگ غایهسی بولیشی و اولر نینگ ترقیاتی گه زمینه یرهتیلیشی اوچون بو تکلیفلر عملگه آشیریلیشی کېرهک.