ایسلتمه: اۉزبېک کیدس اکادمیسینی بالهلر اوچون مخصوص تعلیم مرکزی صفتیده تشکیل ایتیش – کیلهجک اولادنی تربیهلش و تعلیم گه برقرار سرمایه کیریتیش یولیدهگی مهم قدم دیر. افغانستاننینگ اکثریت اوزبیکلر یشهیدیگن شمالی ولایتلریده بالهلر آنه تیللریده اوقیش امکانیتی کمچیلیگی و مکتبلرده آنه تیللریده کتابلر آزلیگی، اوز تیللریده ساده، معیاری و یخشیراق اورگهتیش امکانیتیدن فایدهلنه آلمهیاتگن بیر پیتده، بالهلر اوچون آنلاین اوقوو مرکزی آچیلیشی کتته بیر آدیم حسابلنهدی.
اوشبو مناسبت بیلن بو اکادمی اساسچیلریدن دوکتور احسانالله قووانچ سلاموطندار بیلن صحبتده، اۉزبېک کیدس اکادمیسی جماعهسی نینگ مقصدی اۉزبېک تیلینی ساده راق شکلیده ۵-۱۵ گچه بولگن باله لرگه معیاری راق و یخشی راق اۉرگهتیش بولگنینی ایتهدی. قووانچ جنابلرینینگ فکریچه، اۉزبېک بالهلر آنه تیلینی بیلیشی، تاریخی و مدنیتی اسرهب قالیشی اوچون نهایت مهم. شونینگ اوچون اۉزبېک کیدس جماعهسی اعضالری بو موضوعنی انابت گه آلیب اوز کوچلریگه یرهشه ایشگه باشلهگنلر.
صحبت دوامیده، اوشبو آنلاین اوقوو مرکزیدن مقصد نیمه؟ بالهلر گه قیسی ساحهلرده تعلیم بیریلهدی؟ اوزبیکستانده دوکتورا بوییچه تحصیل آلهیاتگن مرکز اساسچیلریدن احسانالله قووانچ معلومات بیرهدی.
سلاموطندار: اۉزبېک کیدس اکادمیسی قچان فعالیت باشلهگن؟
قووانچ: اوزبیک بالهلرآکادمیسی ۲۰۲۵۔ییلی، دسمبر آیی نینگ ۱۵۔کونیده، بیرقطار اوقیتووچیلر و بیلیم سېور تیلداشلر اشتراکی بیلن آنلاین طرزیده رسمی آچیلیش قیلیب، عملی فعالیتیگه باشلهدی. حاضر اېسه، سېکین۔ سېکین باله لرنی آنه تیلی گه تربیهلش اوچون ایشلب کېلماقدهلر.
سلاموطندار: بالهلر گه قیسی ساحهلرده تعلیم بیریلهدی؟
قووانچ: اۉزبېک کیدس اکادمیسی جماعهسی نینگ مقصدی اۉزبېک تیلی نی ساده راق شکلیده ۵-۱۵ گچه بولگن باله لرگه معیاری راق و یخشی راق اۉرگهتیش دیر. چونکه بو مسئله افغانستان ایچکریسیدهگی اۉزبېک لر اینیقسه مهاجرتده یشهیاتگن افغانستانلیک اۉزبېکلر فرزندلری اوچون اساسی احتیاج سېزلردی، اولرنینگ آنه تیلینی بیلیشی تاریخی و مدنیتی اسرهب قالیشی اوچون نهایت مهم، شو اوچون اۉزبېک کیدس جماعهسی اعضالری بو موضوع نی قۉل آستیده آلگنلر، اۉز کوج لریگه یرهشه ایشلهماقدهلر.
سلاموطندار: اوشبو اکادمینی نیمه قیزیقیش بیلن تشکیل ایتگنسیزلر؟
قووانچ: ۲۱۔عصر، تکنالوژی عصری، ترقیات و الکترونیک عصری دیر. حقیقتده اجتماعی ترماقلر آرقهلی بوتون دنیا بیر کیچیک اوتاققه ایلهنیب، دنیادهگی برچه باشقروولر تکنالوژی آرقهلی باشقیریلیب کېلماقده، بوگونگی کونده، اساسی ترقیات نینگ عاملی هم تکنالوژی دیر، بو امکانیتلردن یخشی فایده لنیش هر ملت نینگ کادرلری وضیالی لری گه باغلیق دیر. اۉزبېک کیدس اکادمیسی جماعهسی اعضالری مسلکی بۉییچه اۉزلرینی مسوول بیلیب، تیلداشلری فرزندلری گه آنه تیللری اۉزبېک تیلینی اورگتماق بۉلگن. منه شو مقصدبیلن بیز اۉزبیک کیدس اکادمی جماعه سی اعضالری تکنالوژی دن فایدهلنیب، اوزبیک تیلی آنلاین اۉقوو مرکزینی ایجاد ایتگن میز، چونکه، وطنداشلریمیز فرزندلری، آنه تیلینی اۉرگهنیش گه احتیاج سیزیلر ایدی، بیز اۉز کوچیمیز گه یرهشه اۉزبېک تیلی گه اشتیاقی بۉلگن خلقمیزنینگ احتیاجینی یېچیش اوچون بو دستورنی ایجاد اېتیش گه قیزیقیب، ایجاد اېتیب، یۉلگه قۉیگنمیز.
سلاموطندار: قنچه باله گه تعلیم آلیش امکانیتینی یرهتماقچیسیز؟ یا کی بالهلر گه تعلیم امکانیتینی قنچه کېنگهیتیریش ریجهلشتیریلگن؟
قووانچ: دستورلریمیز مصافوی تعلیم بۉلگنی اوچون انترنت آرقهلی بۉلگنلیگی سببلی قنچه باله قتنشسه، اوقیتووچیلریمیز اولرگه درس اۉتیشگه تیار، چونکی، دستوریمیز جوده یخشی صفت بیلن تیارلنگن، انچه ظرفیت گه اېگه، معما یۉق دیر.
سلاموطندار: اوشبو مرکزنینگ اوقووچیلری فقط افغانستاندن می، یا کی باشقه مملکتلردهگی مهاجرلرنینگ بالهلرینی هم قبول قیلهسیزلرمی؟
قووانچ: اوشبو مرکزیمیزگه قتنشگن اوقووچیلر اساسن خارجدهگی وطنداشلریمیز و تیلداشلریمیز فرزندلریدن عبارت، اینترنت شرایط لری خارجدهگی لر اوچون موجود، افسوسکی، افغانستاندهگی یورتداشلریمیز اوچون اونچهلیک موجود ایمس، بیز جماعه میز تخنیکچیلری بیلن افغانستانده گی بالهلر قندهی قولهیلیکلر یرهتیلیشی اوچون چاره۔تدبیر کۉرماقده، خداخواهسله، وقتی بیلن اوشبو معمامیزنینگ یېچیلیشی ممکن. هه، بونی ایتیشمیز لازم که، انترنت یخشی راق ایشلهیدیگن ساحهلرده، اۉزبېک تیلی اۉقیدیگن بالهلر اوچون اۉقیتووچیلریمیز درس اۉتیش گه تیارلر.
سلاموطندار: حاضرگی کونده نیچته اوقووچی بار – اوغیل و قیزلر؟
قووانچ: اولا وطنداشلریمیزنینگ قیزیقیشی اوچون رحمت، منتدارمیز، البته کی بیزنینگ مقصدیمیز هم اۉزبېک تیلینی اۉنیب۔اۉسیشی و ترقیاتی و رواجی اوچون ایسلش، شونگه بناً، بوگونگه قدر ۵۰ دن آشه کیشیلر سینا درس لریمیزگه اۉز فرزندلرینی رۉیخط دن اۉتکزگنلر، بیرقطارلر علاقه لی انسانلر هم کون اۉتیشی بیلن فرزندلرینی رویخط دن اۉتکزیب کېلماقده لر. بو باله لرنینگ کۉپچیلیگی اۉزبېک کیدس اکادمی اۉقیتووچیلری آرقهلی سیناو درسلریمیزنی کۉرماقده لر.
سلاموطندار: بو مرکز کیملر تامانیدن تشکیل ایتیلگن؟
قووانچ: اوشبو اۉزبېک کیدس اکادمی سی(اۉزبیک اۉقوو آنلاین مرکزی) بیرقطار اوزبیکستانده اوزبیک تیلی اوقیگن کیشیلر و بیرقطار اوزبیکستانلیک یاش کادرلر تشبثی بیلن ایجاد ایتیلگن، مقصدی اۉز یۉنهلیش لری بۉییچه آنه تیللری گه خدمت قیلیش، اۉزبېک تیلی نینگ رواجی و ترقیاتی اوچون اولوش لرینی یخشی راق قوشیش دیر.
سلاموطندار: اوشبو مرکزدهگی استاذلر کونگیللی ایشلهیدیمی یا کی معاش عوضی گه؟
قووانچ: هربیر اۉقیتووچیمیز یۉنهلیشلرینی عاشقی صفتیده کونللیک روشده اوشبو اکادمیهلری گه ایشلهیدیلر، اوزبیک تیلینی خلقلری نینگ فرزندلریگه اورگهتیش گه اشتیاق بیلن اوزلرینی مسوول بیلهدیلر. بالهلردن آلینه دیگن آیلیک پوللر، اینترنت و باشقه خرهجتلریمیز دن آرتیقچهسی استادلریمیز گه بېریله دی.
