سلام‌وطندار نینگ، ۱۱ ولایتده ۳۲ قیز و اوغیل باله بیلن اۉتکزگن صحبتی اساسیده، اولر نینگ ۲۵ ته‌سی اۉز اېسته‌گی اویینلرنی اوینه آلمسلیگینی اېتگنلر. بو گزارش ده کابل، جوزجان، تخار، قندوز، بامیان، بادغیس، سرپل، کاپیسا، ننگرهار و فاریاب ولایت‌لریده‌گی یاشلر بیلن صحبت اۉتکزیلگن.
فراه یشاوچیسی عبدالرحیم رشیدی گه کوره: «مملکتی‌میزده یاشلر نینگ تفریح قیلیشی اوچون اونچه‌لیک زمنیه یره‌تیلمه‌گن و یاشلر اقتصادی قیینچیلیک باعث کوپ تفریح قیله آلمه‌یدیلر. حاضرگی دم‌آلیش جای‌لر یخشی امکانیت بیلن جهازلنمه‌گن و دم‌آلیش اوچون مناسب اېمس.»
کاپیسا یشاوچیسی سمیه نینگ ایتیشیچه: «قیزیقه دیگن نرسه یوق؛ تفریح قیلیش اوچون والیبال میدان یوق. ایران ده قرینداش‌لریمیز دم‌آلیش پارک‌لرده باریب عکس یا که فیلم یوباره‌دیلر، اونده‌ی نرسه بو ییرده یوق.»
بو یاشلر گه کوره، یخشی دم‌آلیش مکان آزلیگی، عیاللر گه دم‌آلیش پارک‌لر گه باریش اېزینی بیریلمسلیگی، ایش‌سیزلیک و اقتصادی قیینچیلیک‌لر، اولر نینگ دم‌آلیش مکان‌لر گه باریب تفریح قیله آلمسلیک قیینچیلیک‌لریدن دیر.
قندوز یشاوچیسی اسد گه کوره: «یاشلر نینگ اونگیده قیینچیلیک‌لر کوپ دیر؛ کمبغل‌لیک؛ ایش‌سیزلیک؛ قشاق‌لیک دیر. یاشلر اقتصادی قیینچیلیک باعث یخشی تفریح قیله آلمه‌یدی. ایش یوق. ایش بولسه اقتصاد یخشی‌لنیب و دم‌آلیش زمینه‌سی یره‌تیله‌دی.»
بامیان یشاوچیسی محمد نینگ کوپه‌یتیریشیچه: «مملکتده‌گی یاشلر اوچون بو یېترلی اېمس؛ چونکه یشاوچیلر نینگ اقتصادی احوالی یخشی اېمس و اېسته‌گن پیت دم‌آلیش اوچون باره آلمه‌یدیلر. یاشلر نینگ دم‌آلیش گه باره آلمسلیک اساسی سببی اقتصادی قیینچیلیک دیر.»
اوشبو گزارش ده صحبت قیلگن ۳۲ یاشدن ۱۶ ته‌سینی ییگیت‌لر و ۱۶ ته‌سینی قیزلر تشکیل بیره‌دی، بو گزارش ده صحبت قیلگن قیزلر اوی ده یالغیز اجتماعی ترماق‌لر بیلن وقت اۉتکزیش‌لرینی معلوم قیلگنلر.
قندوزلیک تمنا، اوی ایشلری، تکنالوژی دن فایده‌لنیش و کتاب اوقیش بیلن کون کیچیریشینی معلوم قیله‌دی. اونگه کوره: «بیران ساعت او ایشلری بیلن مصروف بوله‌من؛ یعنی اسلام امیرلیگی تامانیدن یره‌تیلگن چېکلاولر طفیلی قیزلر دم‌آلیش مکان‌لر گه باره آلمه‌یدی. دم‌آلیش اوچون بارگن حالده فکریمیز اۉزگره‌دی؛ لېکن بونده‌ی جای یوق. یالغیز ییگیت‌لر و ایرکک‌لر دم آلیش پارک‌لر گه باره آله‌دیلر.»
بیزلرنینگ فیسبوک صحیفه‌میزگه باش اورینگ!
جوزجان ولایتیده اوقیتووچی شگوفه، کوپینچه وقت دم‌آلیش پارک‌لر و کورکم جای‌لر گه باریب وقت اۉتکزیش گه علاقه‌مندلیگینی اېته‌دی. اونینگ کوپه‌یتیریشیچه: «حاضرگی کونده کوپینچه کیشی‌لر تلفون بیلن وقت اۉتکزه‌دی؛ بیکار بولگن وقت‌لریم موبایل ده تیک‌تاک ده کولگولی ویدیولرنی کوره من، صورت آله‌من و هکذا ایشلر. دم‌آلیش جای یوق؛ باری هم مناسب اېمس. جوزجان گه نسبتن بویوک ولایت‌لرده شرایط فرق قیلیشی ممکن؛ بیراق یاشلر اینیقسه قیزلر اوچون دم‌آلیش شرایط اصلا مساعد اېمس.»
حاضرگی کونده کوپراق ییگیت‌لر سپورت قیلیب، دم‌آلیش مکان‌لر گه باریب و کوپینچه وقت نی اورتاق‌لری بیلن اۉتکزه‌دیلر.
تخارلیک ییگیت‌لردن بیری سایق‌الله رحیمی، اوی دن تشقریده سپورت قیلیشینی اېته‌دی: «البته مملکتده‌گی یاشلر اوچون یخشی دم‌آلیش جای یوق و افغانستان اینیقسه تخار ده‌گی ییگیت‌لر کوپراق فوتبال، فوتسال و باشقه اویینلر بیلن قیزیقه‌دی افسوس بیلن یخشی دم‌آلیش جای اصلا یوق.»
سرپل یشاوچیلریدن خالد نینگ ایتیشیچه: «ایش‌سیزلیک پیتلریده کوپراق فوتسال اویینی بیلن شغللنه‌من یا که اېزله‌ی من یا هم فرصت تاپگن حالده دم‌آلیش جای‌لر گه باره‌من.»
بیزلرنینگ «ایکس» ترماغی ده هم تعقیب قیلینگ!
اجتماعی ایش بیلرمان‌لر و روان‌شناس‌لر هر جمعیت اوچون دم‌آلیش پارک‌لرنی جدی نیاز بیلیب و یخشی دم‌آلیش جای‌لر یوق‌لیگی اجتماعی قیینیچلیک و روحی ناخوش‌لیکّه سبب بولیشینی اېتگن بیرحالده، یاشلر مملکت بویلب دم‌آلیش جای و امکانیت یوق‌لیگیدن نالیماقده‌لر.
اجتماعی ایش بیلرمان راشد صدیقی گه کوره: «جمعیتده دم‌آلیش جای بولمه‌گن حالده، جمعیتده‌گی کیشی‌لر روحی قیینچیلیک بیلن دوچ بولیشه‌دی و جمعیتده تورلی خیل قیینچیلیک تاپیلیب و اونگینی آلیش قیین بوله‌دی.»
روان‌شناس هیبت‌الله ابراهیم‌خیل نینگ ایشانچی گه کوره: «دم‌آلیش ساغلیق و روح اوچون اوته مهم دیر؛ اینیقسه ساغلیگی اوچون دقت قیلگن کیشی‌لر گه، دم‌آلیش اولر اوچون مهم دیر.»
عیال حقوقی فعاللری هم سرپرست حکومت تامانیدن یره‌تیلگن چېکلاولر بیکار قیلینیشینی اېستب ایتیشلریچه، عیاللر نینگ ساغلیگی اوچون دم‌آلیش پارک‌لر ایشیگی آچیلیشی کېره‌ک.
عیال حقوقی فعالی محجوبه حبیبی نینگ ایتیشیچه: «حکومتدن هېچ بولمسه یاشلر گه اعتبار بیریش اوچون مکتب‌لر و دم‌آلیش پارک‌لر ایشیگینی آچیشنی اېسته‌یمیز. قچانگچه بو امیدسیزلیک؟ حقیقتن برچه حیات دن زیریکّن. کوپینچه قیزلر تلفون بیلن مصروف و برچه روانی بولیب و گیم اوینه‌یدی.»
عیال حقوقی فعاللریدن باشقه بیری فرحناز گه کوره: «دم‌آلیش و قیزیقیشدن محروم دیر و افغانستان نینگ حاضرگی حکومتی تامانیدن عیاللر گه کوپینچه چېکلاو یره‌تیلگن. افغانستانده‌گی عیاللر گه دم‌آلیش پارک‌لر گه باریش اېزینی بیریلمه‌یدی بو اولر اوچون کوپ ضرر یېتکیزه‌دی. دم‌آلیش استرس کمه‌یشی گه سبب بوله‌دی.»
یاشلر نینگ دم‌آلیش پارک‌لر گه باریشی و بوتوغریده حکومت نینگ ریجه‌لرینی اورگه‌نیش اوچون سرپرست حکومت معلومات و مدنیت وزیرلیگی مسئوللری نینگ فکر-ملاحظه‌سینی اورگه‌نیشنی اېسته‌دیک، لېکن اولگوره آلمه‌دیک.
افغانستان سرپرست حکومت ملی المپیک کمیته مسئوللری، مملکت بویلب یاشلر گه سپورت قیلیش زمینه‌لری یره‌تیلگنیدن ایشانچ بیره‌دیلر و کابل بلدیه‌سی مسئوللری هم، اوشبو شهر ده یاشلر گه دم‌آلیش پارک‌لر گه باریش زمینه‌سینی یره‌تیش مقصدیده سعی-حرکت قیلماقده‌لیک‌لرینی اېته‌دیلر.
بوتوغریده ملی المپیک کمیته سۉزلاوچیسی اتل مشوانی نینگ ایتیشیچه: «مملکت سپورت اداره‌سی در حقیقت یاشلر نی مصروف قیلیش اوچون سعی-حرکت قیلماقده؛ سپورت اداره‌سیده ۵۲ فدراسیون فعالیت قیله‌دی هر فدراسیون نینگ ولایت‌لرده نماینده‌لیگی بار و هر فدراسیون ده یوزلب و مینگلب ییگیت ایش بیلن تأمینلنگن و انیق بولیمیده سپورت قیلیشنی اېسته‌گن کیشی جمنازیوم و سپورت امکانیت‌لریدن فایده‌لنه آله‌دیلر.»
کابل بلدیه‌سی سۉزلاوچیسی نعمت‌الله بارکزی گه کوره: «کابل شهریده قریب ۱۴۱ آچیق پارک بار و بویوک دم‌آلیش جای اوله‌راق نادرخان تېپه‌لیگیده کتّه جای بار، کابل بلدیه‌سی اونی قوریش گه سعی-حرکت قیلماقده و اساسی قیینچیلیگی سرک اېدی، قوریلگن. او ییرنی بویوک دم‌آلیش پارکّه اېلنتیریش اوچون حرکت قیلماقده‌میز. کابل شهریده بولگن ۱۴۱ پارک دن کوپینچه‌سیده باله‌لر اوچون امکانیت یره‌تیلگن.»
باشقه تاماندن، سرپرست حکومت امر معروف و نهی منکر وزیرلیگی سۉزلاوچیسی عبدالغفار فاروق سلام‌وطندار نینگ سوالی گه جواب یوللـه‌گن متنی جوابیده، عیاللر یوزی گه آز سانده دم‌آلیش پارک‌لر ایشیگی باغلنیشنی اېتیب و سببینی هم عیاللر نینگ حجاب‌سیزلیگی عنوان قیلگن بیرحالده، یاش قیزلر اوشبو گزارش ده دم‌آلیش پارک‌لر گه باره آلمسلیگیدن نالیماقده‌لر.
